أديني الجرعه

بقلم /هند البليدي

ممكن ادخل..
لا شطبنا..
طب استفسار كتبت طلبي انا علي الباب..
شوفلي طلبي اقل من ثانيه..
مراتي بتولد في الناحيه التانيه..
اسمحلي بس بسرعه هسأل سؤال عايز اخد الجرعه وارتاح البال..
طيب والله لسه مفطرت..
حتي الشاي والله ملحقت جريت انا واتبهدلت صدقني انا محتاج..
طيب ياحضرت انا ورقي جاهز ولا هتقولي ده فض مجالس..
صبح وليل طلعة عيني وكله عشان أمضاء وختم..
روحي طلعت في الطابور وكل مايجي عليه الدور..
الاقي عركه في اخر الصف وكله يقول نعيد الدور..
عافرت لحد ماجتلك وفي الاخر تقول شطبت..
طيب بص في ورقي بسرعه عايز الحق اخد الجرعه..
وابقي كده خدت المصل ولا اتعب من البرد ولا اغيب من شغلي واخد خصم..
واروح شغلي كده مسرور وعلي مديري اطنطط..