أدب وثقافه
أزمة وهتعدى بقلم عاطف سيد المحامى بالنقض والإدارية العليا والدستورية العليا
قالو ازمة جاية من بعيد قلت ياعم انسى يمكن تخيب
عدى يوم اصحى من النوم الاقى كله ناسى الهدوم ولبس العيد
وبيدورو على كمامة سعرها على اد الايد
حتصدقنى لو قلت انى شوفت واحد باع كل
اللى حيلته عشان يشترى ازازة سبرتو
وتلاقي واحد شنبه يهد حيطة مراته
وقفاله على الباب عامله زيطة
تقولوا طلع كل اللى حيلتك
لو مش خايف عليا خاف على بتك
اغسل ايدك بالصابون وزود شوية كلور
كنت جايباه للفلور وباب الشقة قولى اسمه دور
ماانا على رزقى كنت بدور
نفسى اجيب شوية غموس
وازازة فلت للنموس
بيقولوا ريحته لاتخلى حد يحضن يسلم او يبوس
اوعى تكون فاكرنى الراجل اللى باع كل اللى حيلته عشان يشترى ازازة سبرتو
لأ ده انا راجل على اد حالى بجرى على رزق مراتى وعيالى
تحب تسمع كمان طيب
فاكر صوت الاذان ولا الصلاة فى الجوامع ولارنه جرس الكنيسة اخويا جرجس كان يسمعها كان يمجد سيدنا عيسى
ويوم الجمعة كانت بتبقى هيصة
تخلص صلى تجرى على بتاع الفول إيه ده طابور
مش معقول كل ده عشان ب٢جنيه عجينة ياعم اتوصى بينا
تضرب فطارك التمام تدخل تنام تصحى تفسح العيال
يومك العادى بقى من الخيال بذمتك عاجبك الحال
الحل سهل مش محال
الزم فى بيتك اسبوعين بدل ماتتلط ويقولوا ندفنوا فين
خاف على عيلتك هى اللى حيلتك
ومافيش حد حيشيل شيلتك
يارب حققلنا الامانى ورجع حياتنا من تانى
تابعنا على
