ألم عيونك

23

الشاعر:عاطف محمد

آلمك كسر نفسى

خلانى اتحسر

مين جتله حبة جراءه

للقلب ده يكسر

ويشوف دموع العين

ف الننى محبوسه

مكتومه زى الأمل

خايفه من الدوسه

خايفه رجول العته

ترميها ف الحوسه

وتدق ميت مسمار

وتشد أوتارها

تنهشها بالأفكار

تسرق ف اسرارها

تدفنها ف الحرمان

وتشيل حيطان دارها

وتعرى راسها بغبا

تفضح ف أسرارها

خليكى ف الكتمان

دمعك بقى صوتى

هاصرخ ف كل الخلق

يافكره لاتموتى

عودك هايبقى مقام

هايلفه نور صوتى

وينادى كل البشر

ف وجودنا ما تموتى

دمعك صحيح مانزلش

لكنه دمّعنا

وحزنك اللى انكوى

بالهمه جمعنا

من النهارده افرحى

حزنك مالوش معنى

هانخلى سبب الألم

يقعد ويسمعنا

ونحسره بالبكا

ويموت بلا معنى

مخنوق كما الجرزان

ف يوم غميق أعمى