“أميـــــــرة بإذنـــــــــه”

من زمان عايز
أقولك حاجات كتيره
منها مثلا أتوجك 
وأخليك تكون أميره
قادره ع التحدى تكونى
فى قراراتك عاقله ورزينه
ولو حب الزمان يجيلك أو
يغدر ف يوم وانا مش موجود
يقتل عزيمتك أو صلابة العود
وقتها تكوني قويه تديرى
بحكمه كل شيء كأني موجود
ما إنت كنت معيشانى ياما
عدت علينا محن واتغلبنا عليها 
مش بحكيلك خيال هوا
إنت مش عايشتيني فيها
الزمن والحياه شركاء
وساعتها ينكسر عزم البيت
يعنى تكوني فايقه وعقلك
لازم يكون شغال وحويط
محدش هيمسح دمعتك إلا إيديك 
ربنا هيكون معاك وهيفرح
قلبك ويفرح اللي حواليك
طول ماإنت في طوعه هتبقى
في معيته وملايكته بتحرس فيك
=====================
أما لو مقدر وعايش معاك 
هخليك بإذنه أميره وليك كيانك
بس بلاش تقاطعي هوا
خالقنا وأقرب لحالي ولحالك
وإدعي من قلبك وقولي بركة 
شفاعة نبيك وأحبابك وسماءك
خليك قريب إنت أحن القلوب 
م اللي غيروا فينا فطرتك وحنانك