أنتي الحب النقي 

 

كتبت / ام هاشم العيسوي 

متابعة ممدوح السنبسى 

 

حبك ع عيني يا نور عيني يا رفيقة مشواري الدايمه.

.وحقك ع راسي وعيني وافضل احبك لو كانت حرب قايمه..

وادعيلك من قلبي يخليكي فرحانه واول دعوه ليكي ادعيها لما بكون صايمه

 ..كل الحلو بيكمل بيكي والمر معاكي يهون

 

عيشت عمري ادور علي اللي زيك وملاقيتش

بس بيكي اكتفيت ولغيرك وقت الزعل محنيتش

يا اطيب قلب سكن روحي ولغيرك عيني مشافتش

انتي وبس اللي تاخد من عمري وافديها بباقي الكون

 

طب قوليلي ايه هعوزه من الدنيا تاني

دا في حبك بقيت اكتب شعر واغاني

واسمعك فرحانه تهون كل أحزاني

اعيش للحظة فرحتي بيكي وازغرط بعد المأذون

بعينهم مهما يحاولو يوقعو بينك وبيني

يا أجمل هديه من ربنا في كل سنيني

ازعل مهما ازعل واروق لما تيجي وتسمعيني 

ايدك في أيدي ولا حد يهزمنا وكان الله في العون

 

اللي كانو قبلك متعديش والله كتار

بس القلب معاكي بصم وواخد القرار

مهما يجري انتي اللي اشاور عليها يا احسن اختيار

والفتنه سيبناه لربنا وبين الناس آخره الملعون

 

كل العالم في كفه وانتي في كفه

بنام واحلم اخطفك واطلع بيكي الزفه

وقلمي مهما كتب فيكي والله لسه ما وفي

محل ثقتي انتي وحياتي معاكي في الصون