( أنت كل حاجه) بقلمى الشاعر محمد غبن شاعر آل غبن

( أنت كل حاجه)
بقلمى الشاعر محمد غبن
شاعر آل غبن
أنت مش مجرد حبيب
أو هتبقى شريك لعمرى
أنت هتكون قريب وجوا
بقلبي ساكن ومالك أمرى
يعنى أمك وحبيبتك وأختك
هحتويك واسكن جوا قلبك
ومن اللحظه دي نادى براحتك
نعم ياحبيبي ياقلب أمك
تعرف هقولك حاجه
إحنا في العشق مساكين وغلابه
القدر جمع قلوبنا المشتاقه
وصدقني بجد أمك وحبيبتك
بس إوعاك تبخل وخليك ليا بابا
كلمه اتحرمت منها خليني أحس
وكأنها للحن متقسم صبابه
إلهي حبنا يعيش في سعاده
وحياتنا تكبر وتحلي دايما بزياده
أنت جوايا بعشقك وحبك وأنا ليك
حبيبه بس إو عاك تبعد عن ماما
صدقني بقيت خلاص حته منى
يعني القريب اللي اشتكيله همي
كنت فين القدر جمعنا وخلاني
أقابلك واعيش بحبك وتقابلني
بعدها صبحت كأنك شريان بدمى
مش بقولك بقيت حته منى
خلى حنانك بس يدوم معايا
وإوعدنى إن عمره مايسيبني