إتفاقية إعلان المبادئ مارس 2015 بقلم الإعلامي/ يوحنا عزمي

5

هو صحيح الرئيس السيسي وقع إعلان المبادئ مع إثيوبيا وضيع حق مصر في مياه النيل زي ما الإخوان بيقولوا ؟

الكلام طلع من إثيوبيا مش من عندنا ..

أزمة سد النهضة بدأت سنة ٢٠١١

ولما استلم الرئيس السيسي في ٢٠١٣ كانت مصر عندها مشكلتين

في موضوع سد النهضة دي

الأولى إن القوات المسلحة غير مستعدة بالحل العسكري.

– وده ببساطة لأننا معندناش أسلحة هجومية بعيدة المدي

سواء طيارات مقاتله أو صواريخ

طويلة المدي أو قواعد عسكرية وبحرية تأمن الكلام ده.

– وتقدر تقول إن مصر ممنوعة من إمتلاك النوع ده من الأسلحة

وهنا بدأت مصر تحط خطة سريعة لتطوير جميع أفرع القوات

المسلحة المصرية ، وكان عشان مصر تمتلك النوع ده من الأسلحة

من اي دولة عظمي ، فلابد إن مايكونش فيه صراعات مع دول

جارة أو نية الصراع العسكري مع الدول المجاورة ، وهنا جه الوقت

لتوقيع إعلان المبادئ مع إثيوبيا في مارس ٢٠١٥.

– وطلع الرئيس السيسي يومها مع إثيوبيا والسودان وقال خلاص مفيش مشاكل ، إحنا اتفقنا

والعبارات دي لم تكن موجهة للمصريين ولا للدول المجاورة ،

لكن كانت موجهة للدول اللي إحنا طالبين منها أسلحة هجومية ،

وفي شهر ٧ ٢٠١٥ هتلاقي مصر بتوقع إتفاقية طائرات الرافال الفرنسية بعيدة المدي.

– ولأول مرة في تاريخ مصر تحصل علي النوع ده من الأسلحة

وبعدها بدأت صفقات تسليح في منتهي الأهمية من فرنسا والصين وروسيا وايطاليا وإنشاء العديد

من القواعد العسكرية والبحرية في حدود مصر.

– طيب ليه كل قنوات الإخوان في قطر وتركيا مركزة اوي

في الموضوع ده وليل نهار تقولك السيسي هو اللي ضيعنا
وبتطلب الإنسحاب من إتفاقية إعلان المبادئ.

– والحقيقة إن إجابة السؤال ده وصلت من محلل سياسي إثيوبي

شاب طلع وقال إن اثيوبيا ورطت نفسها لما وقعت علي اتفاقيه

إعلان المبادئ دي وإن الإتفاقية دي زي ما تكون معمولة علشان

إثيوبيا ماتلتزمش بيها اللي في النهاية هيصب في مصلحة

المصريين والسودانيين ويديهم الحق الشرعي أمام دول العالم في استخدام الحل العسكري.

– هتقولي إزاي هقولك إن الإتفاقية بتقول عدم الملئ بدون

موافقة الأطراف التلاته ، واثيوبيا نفذت الملئ الأول لسد النهضه

بدون علم مصر والسودان وكتير من البنود اللي كل يوم إثيوبيا

بتاكد بخطوات علي الأرض إنها غير ملتزمة بالاتفاقية ، وكأن

الإتفاقية دي اتعملت علشان تكون في النهاية وثيقة حرب بتدي شرعية للمصريين والسودانيين بضرب السد.

وده بيفسرلك ليه قنوات الإخوان في قطر وتركيا بتضغط اوي في

الموضوع ده لأنه ببساطة بيصب في مصلحة مصر

واللي هم بكل تأكيد ضدها علي طول الخط.

مصر وقعت الاتفاقية علشان تثبت للعالم إن معندهاش اي نية للعدوان علي اي دول وبكدة

هتكسب الوقت والشرعية لامتلاك أسلحة هجومية.

والنهاردة إثيوبيا امام العالم كله هي اللي واضح انها لم ولن تلتزم

بالاتفاقية دي وده بيدي الحق لمصر انها تستخدم الحل العسكري

واللي كان مستحيل قبل توقيع اتفاقية إعلان المبادئ في ٢٠١٥ وصلت كده و لا لسة.