( إرحلي ياسنة عشرين)

35

بقلم الشاعر محمد غبن
شاعر آل غبن وسفيرا للسلام الدولى
1/1/2021

ارحلي بقي عننا ياسنة عشرين
بدلها يارب بسنة واحد وعشرين
يكون فيها الأمان للناس الطيبين
وحشتهم الفرحه وتاهت
الضحكه والقلب كله أنين
ارحلي عننا الله لا يورينا
كفايه اللي راح مننا ياعين
العين جفت بكي وفيك
أتآمروا علينا خلفة شياطين
صنعوا لينا وباء اخد مننا الغالي
ربنا أكيد بعدله هينتقم
من كل ظالم ضلالي
استكتر علينا الحياه
وخلي الغلابه تعاني
من معاناه وصبر
علي مرض طول الليالي
احنا بندعيلك ياإلهنا
أنت عالم بكل ظالم متعالي
إرينا فيهم قدرتك
و ذنب الناس المساكين
اللي راح مننا مابين
ايام وغمضة عين
أنت القادر وكلنا ليك راجعين
إجعلها سنه طيبه
علي كل الناس
يرجعوا لبعض بفطرتك
وجواهم الإحساس
خلينا وسط الخلايق
بأخلاقنا طيبين وعندنا إخلاص