“إسعى لحلمك” بقلم الشاعر/ محمد غبن

مش عيبه انك تسعي
لحلملك علشان تكون
ولا عايز تضعف وتقول
يعني ايه ولا أيه هكون
إتولدت فى زمن قتل
جوايا أمل وبدله شجون
====================
إزاي يكون دا فكرك
وانا عارفك كلك حماس
فين لما كنت تقعد تفكر
كنت بقول عليك غير الناس
عقلك يوزن بلد وليك
نظرة بعد و كاريزما وحساس
يعني الخلاصه قد المحن
وكنت هتعافر في الجبال
صدقني وقتها الدنيا هتضعف
و تصنفك بطل من الأبطال
إوعاك تضعف ليها يوم وتحط
راسك فى الرمل زي النعام
بعرفك كويس قوى بطل
وهتتحمل وهتبقى تمام
صدقني الضعف خزى وعار
حاله كئيبه من إنكسار
وأنت فرحتى زرعتى
ومنتظرها تطرح أجمل ثمار
وإن كنت عايشلك الوقتي
بكره هموت ومفيش فرار
ياتعيش قدها وتصنع وجود
حلمك يا تعيش سلبي بلا قرار
لازم تتعب إوعاك تبقي تابع
خلي هدفك قدامك ليل نهار