( إوجدوا السلام )

22

بقلمى الشاعر / محمد غبن
شاعر آل غبن

( إوجدوا السلام )

ماتيجوا بجد تتفقوا
وتتوحدوا علي وجود سلام
يكون بشروط ع الكل وأول
مافيها متفزعوش عزل نيام
مش ذنبهم يجوا ع الدنيا
وسط حروب ودمار وضلام
أو طفل يتولد يلاقى نفسه صبح
يتيم لقسوة قلوب مليانه عتام
قولوا كلمتكم فيها شروطكم
لجل يعم بين الشعوب حب ووئام
واوعوا تنسوا بلاش أي
دوله تكيد لدوله بالخراب والدمار
حققوا بجد اتفاقيات تسعد
بلاش ترجعونا لعصر قريش والكفار
كانوا اصحاب مكايد ياما
كادوا لنبينا سواء في ليل او نهار
خلوا لينا كلمه اوعوا تخلونا بلا
لزمه دا قلوبنا بتتوجع سنين مرار
وكفايه بقي علينا من شهدا
إن كانوا شباب او أطفال ولا كبار
وبلاش وحياة أغلي ماليكم بكي
غرق بهو قصوركم وعندنا ف الدار
ارجعوا شويه لربنا العمليه مش
صعبه بس محتاجه وقفه وقرار
لجل النفوس تطمن في بيوتها
وترجع الشمس بجد فى كبد النهار
إتركوا حياة الترف فيه بشر
غيركم متوجعه تشتت وقلوبها نار