( إوعاك تزعل)

36

( إوعاك تزعل)

بقلمي الشاعر/محمد غبن

شاعر آل غبن وسفيرا للسلام الدولي

3/4/2021

 

وحياتي عندك إوعاك

تزعل وأوتفكر…….. تخاصمني

صدقني اليوم في بعادك سنه

والله مش بإيدي وغصب عني

ماأنت عارف اللي فيها

عيشاها عيشه بس…. وخلاص

ابويا وأنت عارف دماغه

حتي لو اتحيلت عليه …الناس

اللي عايزاك تعرفه انك غالي

وأشيلك جوا عيني وعلي الراس

بس هعمل ايه خليك مكاني

ترضي تزعل …………….أبوك

ويغضب والناس كلها…. يلموك

سكت ليه مبتردش ولا

مليكش خير في…………. اهلك

يبقي ملكش خير في

اللي بتحبهم…………….وبيحبوك

وأنت سيد العارفين مش

هعلمك الكلام والمعني والأصول

ربنا يسهل الحال وابويا هيوافق

بس خلي الأمور زي ماهي ماشيه

بلاش نعقد نفسنا والدنيا

مسيرها تروق لنا وتنعدل المايله

وبعدين علشان ابقي عزيزه

عليك وتحطني جوا ….عينيك

اكيد عارف إنت بالنسبالي ايه

ربنا يباركلي فيك … ويخليك

ربنا يباركلي فيك… ويخليك