كتب وجدي نعمان هو انتى ازاى بتعرفى تنامى بعد ما جيتى من عند الساحر علشان تعملى سحر لبنت او ست متزوجه طيب احساسك ايه بيكون عامل ازاى بعد ما تسمعى ان فى مشاكل عند الشخص اللى عملتى ليه عمل او سحر مفكرتيش خالص فى عقابك من ربنا عامل ازاى مفكرتيش ان بنتك تكون مكانها وتكون متعذبه كده ايه الفايده انك تعزبى بنت طول الليل تصرخ واهلها صاحيين وامها قلبها بيتقطع عليها وبتبكى علشانها وانتى طبعا نايمه ولا فى دماغك ايه الفايده انك تعملى لست متزوجه سحر علشان متخلفش عيال وتكون ام ايه الفايده انك تقفلى باب زواج لبنت واحد سهران طول الليل علشان مراته تعبانه بالسحر ومش عارف يشوف شغله ام سهرانه طول الليل علشان بنتها تعبانه بالسحر اب تعبان فى الدنيا بسبب فى سحر معمول لا ابنه شاب مش عاوز يتزوج وسنه كبر وكاره الجواز بسبب واحده عامله ليه سحر بنت كل اصحابها اتجوزت وخالفوا وهى لسه فى بيت اهلها بسبب سحر حسبى الله ونعم الوكيل فى كل واحد او وحده بتروح لساحر او دجال علشان تعمل سحر حسبى الله ونعم الوكيل مليون مره يا رب يدوقوا إللى الناس بتشوفه
