أخبارالسياسة والمقالات
اذاى تحس بالسعادة
دكتورة فاطمه محمود
معنى السعادة فى علم النفس انها الشعور بالسرور والرضا عن حياتك ، وهو شعور يتكرر نتيجة المشاعر و انفعالات سارة ، لذلك يمكن القول ان السعادة فى علم النفس تحدد حسب طبيعة الفرد و طرق تعامله مع الظروف التى تحيط به ومواقف حياته اليومية التى يمر بها.
ومفهوم السعادة فى الاسلام بأنها شعور داخلى للانسان يشعر فيه بالسكينة و طمأنينة القلب و راحة باله وذلك نتيجة لسلوكه المستقيم سواء الظاهر او الباطن.
لكى تشعر بالسعاده….
☆لو انت منتظر ظروفك تتحسن عشان تنجح يبقى مش هتنجح، النجاح متعته في الطريق وفي السعي وفي ترقب الأمل.
☆سافر ولف العالم وغامر واتجرأ واستمتع بكل لحظة عايشها من غير ما تعيش في سيناريوهات وأوهام وأحلام نفسك تتحقق.
استمتع بكل مرحلة أنت عايشها وادي كل مرحلة حقها من الاجتهاد والتركيز واستمتع حتى بألمها عشان دي دروس وخبرة لبكره.
☆عيش حياتك بواقعية.. واعمل الحاجة اللي بتحبها وحاول تلاقي حاجة بتحبها في كل شيء بتعمله.
☆حب الناس تحبك وساعدها تساعدك. ومتسبش في قلبك حاجة مكتومة. عبر عن كل اللي جواك.. الحب والفرح قبل الغضب والزعل وسامح وانسى تعيش صحيح نفسيا وعقليا.
☆ركز في أهداف بسيطة وخفف من كل حاجة بتعملها وخليك وسَط في كل أمورك وأحكامك ومطالبك ده مفتاح الرضا. لو وصلت للرضا يبقى ملكت سر السعادة.
دكتورة فاطمه محمود
تابعنا على
