الأمان شعور أم احتياج

الأمان شعور أم احتياج

بقلم د/إلهام حسنى 

الأمان مش كلمة بنقولها ولا طلب بنطلبه

الأمان حالة داخلية لو اتحققت نقدر نواجه الدنيا كلها

ولو غابت نحس إن كل حاجة بتهتز حتى لو كل شيء حواليك ثابت

فيه ناس فاكرة إن الأمان احتياج

إننا نحتاج شخص يطمننا

أو وجود حد جنبنا يمنع الخوف

أو كلام حلو يسكت القلق

لكن الحقيقة إن الاحتياج لوحده عمره ما بيصنع أمان

الاحتياج أحيانًا بيخلق تعلق

والتعلق بيولد خوف من الفقد

الأمان شعور

بيبدأ من جوه الإنسان

من إحساسه إنه مش مهدد

مش متراقب

مش مطلوب منه يبرر نفسه

ولا يغيّر طبيعته علشان يتقبل

الأمان إنك تتكلم من غير ما تخاف تتحاكم

وتسكت من غير ما تتعاقب

وتغلط من غير ما يتاخد عليك ذنب العمر

الأمان إنك تكون ضعيف لحظة

من غير ما تتحاسب عليها بقسوة

اللي بيطلب الأمان من الناس بس

بيفضل قلقان

لأن الناس بتتغير

والقلوب بتتقلب

لكن اللي يبني الأمان جواه

يعرف يتعامل مع أي خسارة من غير ما ينهار

الأمان مش في السيطرة

ولا في الشدة

ولا في الصوت العالي

الأمان في الطبطبة

في الاحتواء

في النظرة اللي بتقول أنا فاهمك حتى من غير كلام

والأمان الحقيقي

مش إنك تلاقي حد مابيأذيش

لكن إنك تبقى مع حد

لو وجعك يعرف يصلح مش يكسر

ولو شاف ضعفك يحميه مش يستغله