تأليف / نهى على
إخراج / كرم مسعود
نبذة عن التمثلية
تدور أحداثها فى إطار تشويقى مثير يشمل على الخيال والرعب الدرامى
شخصيات العمل
أكرم علام (ضابط قولت خاصه )
القائد أبيس
الملك حابى
عالم الأثار حمدى علام .
الأميرة ناميثا
ناريمان أحمد العلاليلى
الشيخ زين الدين العلاليلى
الساحر / راماوس
ملك الجان /خورخيس
الساحر / إيلى جاكوب
الشخصيات الأخرى
الوزير … كى … سلوى
لارا
م(1)سينات فى رعب وبكاء :
الأخبار حقيقية سقطت منف يا سمو الأميرة ناميثا على يد قمبيز ملك الفرس
ناميثا بنبرة مضطربة :
أبى .. جلاله الملك أبسماتيك وزوجى أبيس .. سقطت منف كلا طيبة فداءك أرواحنا.
أبى …زوجى
أصوات مرعبة
سينات تشهق برعب :
ماهذة الأصوات إنها اللعنه يا مولاتى هيا بنا
نامثا تصرخ برعب
لأأأأأأأأ النجدة .. وحوش وحوش .
نقلة موسيقية
م(2) سلوى فى دهشة وتساؤل :
ناريمان … ناريمان مال وشك إتغير كدا .. وعيونك مبحلقة على لوحة المكتب أول مرة تشوفيها .. دى بتاعة إيزيس وحورس مالك ؟؟
ناريمان بنبرة متوترة برهه :
مالى إيه إنت كلتى دماغى عماله تحكى ليا عن المسلسل الأجنبى إللى شوفتيه بتاع الفراعنه دا بقالك عشر دقايق خلتينى تخليته يا شيخة ،، لدرجة إنى حسيت إنك شبه سينات ديه وأنا واخدة ملامح ناميثا الأميره والفرس و…
سلوى بدهشة وإستنكار :
مسلسل إيه وفرس وخرس مالى أنا والكلام دا أنا كنت بحكيلك عن حماتى إللى شرفت عندى إمبارح بقالى عشر دقايق والنكد الأسود إللى أنا فيه .
بقولك إيه فوقى من أليس فى بلاد العجائب ويالا نلحق إستاذ زكريا رئيس التحرير .
نقله موسيقية
م(3) أصوات وحوش وغلان وهدم :
أبيس بنبرة محاولة الصمود والتماسك :
جيوش من الوحوش والغيلان يا مولاى الملك محاصرين القصرهذة هى اللعنه إنها النهاية
جيوش الفرس فى كل مكان تحالف اليهود وخانوا الملك وأيضا الجنود المرتزقه وبدو سيناى .. كما أنه يوجد جيش من غيلان ووحوش لم نرى مثلها أبدا .
الملك بعجلة وخوف :
لا يوجد وقت .. إبنتى الأميرة ناميثا
القائد أبيس .. عليكم بالفرار من هذا السرداب لايوجد وقت
ناميثا صائحة بهلع :
أبى لااا لن أتركك
الملك أبيس بنبرة عطف ويأس :
ناميثا إسمعينى جيدا إبنتى عليكى بالفرار .. ولتحافظى على هذا المفتاح فأنت تعلمى جيدا سره . أنت من إختارتها الألهه
سينات ببكاء :
هيا يا مولاتى .. أسرعى بالفرار ليس لك شأن بمصيرنا إهربى .
كلنا فداء طيبة .. كلنا فداء طيبة
أصوات تحطم الجدار والوحوش
أبسماتيك صارخا :
هيا يا أبيس
أبيس فى عجلة وقوة :
هيا يا سمو الأميرة لا يوجد وقت
كلنا فداء طيبة
ناميثا صارخة :
أبى
أبيس بقوة :
تمسكى بى جيدا وأنا أمتطى الجواد وأركض داخل السرداب
صوت صراخ الملك
والوحوش
ناميثا صارخة :
لأأأأأأأأأأأأأأأأأأأأأ أبى أبى ،، أمى ..إخوتى دعنى يا أبيس
لأأأأأأأأأأأ
نقلة موسيقية
م(4) ناريمان تشهق بفزع من نومها
وفى نبرة مرتجفة :
أعوذ بالله من الشيطان الرجيم
فى إيه ؟؟ نفس الكابوس إللى بشوفه بقالى سنه ليه ؟؟ فى إيه ؟؟
مين دول ؟؟ وأنا إيه علاقتى بيهم بس .دى المنام بشوفه بقالى شهور وأنا صاحيه مفتحة عيونى وأنا نايمة كأنى بكمل حكايه لأأ
صوت أقدام
ناريمان .. نانى إنت صحيتى يا بنتى ؟؟
ناريمان فى نبرة تبدو هادئة :
أه يا جدو تعالى يا حبيبى .
الشيخ زين بنبرة ثابته :
شوفتى نفس الكابوس يا ناريمان ؟
ناريمان ينبرة حزينة :
أه جدو إنت شيخ وحافظ كتاب الله ومن صغرى وإنت بتحفظنى القرأن وعارفه حاجات كتيرة فادتنى فى شغلى كصحفية فى إيه ؟
الشيخ زين بنبرة غامضة :
وفوق كل ذى علم عليم يا بنتى .
إللى بطلبه منك يا ناريمان ،، متقوليش لحد على المنام دا أرجوك
ناريمان فى تساؤل وقلق :
ليه يا جدو ؟؟
الشيخ زين بهوادة :
يالا عشان تفطرى وتلحقى شغلك فى الجريدة .
نقله موسيقية
م(5) حمدى بنبرة سعادة :
الله عليك يا أكرم حقيقى بن حمدى علام بصحيح قضية القبض على تجار الأثار دى قوية .. عاوزين يسرقوا أثار طيبه .. مصر الغاليه
هيردوت وصفها بهبه النيل العظيم
أكرم بمرح :
أه بتفكرنى بأخر لقاء ومؤتمر ليك يا بابا وإنت بتتكلم عن خبرتك كعالم أثار وكمان مجال البحث والتنقيب وبرضوا قولت نفس جملتك الشهيرة
يا حمدى باشا .. أنا بنك وتلميذك
إنت إخترت البحث عن الملوك القدام والعظام لبلدنا وأنا إخترت حمايتها ظابط فداها .الرائد أكرم حمدى علام .
حمدى بنبرة فخر :
أنا فرحان بيك يا أكرم يا بنى ربنا يحميك .
أكرم بتساؤل :
بابا سمعت عن موضوع محاوله التشكيك إن الأثار بتاعتنا مش مصرية وإنها …
حمدى بسخرية وقرف :
محاولات هبله من أعداء الحضارات والبلد ومفهومين مين طبعا .. بس غيرهم أشطر يا بنى
مصر .. يعنى الفراعنه وأثارنا وعزتنا وشموخنا بتتكلم وتحكى عنا حضارة سبع ألاف سنه عرفت الكثير من الاسرار سيبك من الكلام دا .
يالا إطلع غير هدومك عشان نقعد نتغدى سوا .
أكرم بمرح :
تمام يا فندم
حمدى يضحك ضحكة قصيرة
نقلة موسيقية