سلوى بمرح أنثوى : أيوا يا عم حبيب القلب سيادة الرائد أكرم علام كان بيكلمك . ناريمان فى خجل : أه يا بايخة وهخرج أقابلة بكرا بأمر الله بصراحة وحشنى قوى سلوى ربنا يسعدك يا حبيبتى و……. صوت موسيقى للذكريات والعودة للوراء . ناميثا فى بكاء شديد : أنا خائفة يا أبيس .. أكيد أبى سقط فى الأسر .. الملك مات وأمى وإخوتى وقعن فى الأسر .. كيف تركتهم أبيس بنبرة حانية : لأن لنا رساله وهدف كلنا فداء طيبة يا زوجتى وحماية الوادى من أخذ الحجر وأنت تعلمين ذلك فهيا التعويذة التى ألقتيها فى السرداب على وشك الإنتهاء والكائنات اللعينه ورائنا هيا .إصعدى فوق الجواد هيا ناميثا وهى تبكى : إنها النهاية .. لنا أبيس : كلا … سننجو صوت صهيل الخيل ناريمان صائحة : لا كدا كتير وحرام والله حرام سلوى مشفتيش قصدى سلوى بقلق : شفت إيه مشفتش حاجة مالك ؟ ناريمان فى تخبط : مفيش .. دايخة شوية ناولينى كوباية ميه من فضلك . نقله موسيقية م(9) أكرم بنبرة رومانسيه : هتفضلى مركبه الوش الخشب يا نايمى ولا إيه . ناريمان بنبرة عتاب حان : والله .. إيه ومش من حقى أزعل أقعد شهرين بحالهم مشفكش يا سيادة الرائد ولا إيه . أكرم ضاحكا وفى نبرة حب صادقه : ومغبتيش عنى فيهم لحظة واحدة حتى وأنا بقبض على المجرمين كنتى ببتظهرى فيهم صوت لكزة أكرم ضاحكا ناريمان بغضب طفولى : يعنى أنا شبه المجرمين يا غلس إنت صوت قهقه كبيرة طب خلاص حاسبى صوت قبله وفى حب : أكرم : إنت شبه الشمس وسحر القمر وحشتينى قوى ناريمان بحب : وإنت كمان وحشتنى قوى أكرم بتساؤل : أخبار جدو زين الدين العلاليلى إيه ؟ ها مش ناوية تحددى ميعاد عشان أجى أنا وبابا نتقدم رسمى خلاص مبقتش طايق بعدك عنى وبعدين إحنا مش صغيرين عاوزين نجيب ظبوط صغير كدا يكون قمر شبهك ناريمان ضاحكة وفى خجل : إتلم بقا .. كل كلامك ضحك كدا وتهريج . خلاص يا سيدى أنا فاتحته وقالى طبعا يشرفوا يا بنتى جدو زين دا كل حياتى بعد وفاه ماما وبابا هو إللى ربانى وعلمنى . أكرم بامتداح : ونعم التربية يا ناريمان . أنا كمان بابا رفض يتجوز بعد موت ماما الله يرحمها ناريمان : الله يرحمها و…… أكرم مالك برقت كدا ليه ؟ أكرم بشك وقلق : مش عارف بس حسيت إن فى حد مراقبنا . ناريمان : مراقبنا ليه ؟؟ نقلة موسيقية م(10) الساحرراماووس بنبرة وحشية أمرة : طيبه .. الملك أبسماتيك أمره إنتهى يا مولاى لوسيفر فقد أسرته هو وأسرته وجعلته ذليلا وسط الرعاع المصريون وقتلته بعد ذلك لكن إبنته هربت وزوجها لأن السر يكمن فى وادى صرخات الحجر وأسره أبسماتيك كانت مأتمنه على السر وحراس الوادى أعلنوا الولاء والطاعه له ولأسرته . الشيطان بنبرة وحشية : قوى الظلام .. ومجد لوسيفر والنار المقدسة سيستمر لابد من إحياء الفساد والشرور وزوال الخير من كل البشر .. من كل البشر. وبصوت عال مخيف : فإستعدوا يا جيوش الظلام .. وغيلان ومردة الجان لإقتحام طيبة وإسقاطها إراقه الدماء على طرقات الوادى صوت الغيلان والوحوش . هذا أمر يا رامااااس نقلة موسيقية م(11) إيلى بنبرة كفحيح الأفعى : سائل الدم الأسود الذى جعلنى أعرف ما الذى فعله جدى الساحر العظيم رامااا أعظم ساحر عرفته الأرض . لكن لماذا فشلت المهمة يا جدى ماذا حدث فى السرداب السائل لا يجيب ولا يجعلنى أرى مزيدا من الذكريات كل ما أعرفه أن سلاله ناميثا وأبيس هما من عرفتهم وجئت خلفهم إلى مصر طيبة . وسوف أكمل المسيرة الكنز الدهبى … الكنز . نقلة موسيقية م(12) الشيخ زين بنبرة واهنه : خلى بالك من نفسك يا ناريمان يا بنتى كويس .. مهما حصل لازم تفضلى ثابته حافظى على السر يا ناريمان هتشوفى حاجات كتيره متخافيش منها دا من فعل ولاد رامااااس وهتسمعى جواك حاجات صدقيها لأن وقتها جه وإنت من السلاله إوعدينى ناريمان بنبرة شجينه مضطربة : سلاله إيه ؟؟ إنت مخبى عليا إيه يا جدى بس . الشيخ زين : إوعددددينى تحافظى على السر .. دا سر وأمانه . أوعدك بس سر إيه ؟؟ الشيخ زين بنبرة واهنة : هتلاقى كل حاجة فى صندوق صغير فى كرار البيت جواالبوتجاز القديم إفتحيه هتلاقى الصندوق . الشيخ زين : اللهم مابلغت اللهم ما شهد ناريمان صارخة : جدى … جدى … رد عليا يا جدى صوت بكاء كبير نقلة موسيقية م(13) سلوى بنبرة شجينة : ناريمان إنت بقالك مدة مش طبيعيه من بعد وفاه جدو زين الله يرحمه يا حبيبتى الحياة بتستمر وإنت لازم تفوقى وتروحى الشغل بقا الاستاذ فهمى طلب منى أجيلك وأشرحلك الوضع مش هينفع كدا .. وبعدين موضوعك إنت وأكرم . أنا شايفه تنجزى فيه مينفعش تعيشى لوحدك . موسيقى للذكريات والعودة أصوات الوحوش ناميثا فى رعب : لا أستطيع الصمود يا أبيس إتركنى وإكمل أنت هروبك السرداب طويل ومظلم دعنى … خذ المفتاح وأنت معك البرديه . أبيس نافيا : لا سوف نكمل الطريق تمسكى بى يا زوجتى وأمون يرعانا تمسكى أرجوكى لأنى سوف أقفز ناميثا تصرخ برعب : الوحش يقترب منى أبيس بقوة : إخرجى خاتمك ووجيه إليهم صوت فرقعه ناميثا : مات .. مات لكن غيره خلفنا لا تلتفتى هيا .. هيا ناريمان صائحة بهلع : لأأأأ سلوى فى خوف : ناريمان مالك ناريمان بتبصى كدا ليه ؟؟ ناريمان بسم الله الرحمن الرحيم أنا قايمة ماشية ربنا معاكى بقا شكلها ملبوسه نقله موسيقية م(14 ) أكرم بنبرة دهشه : إيه الإحمرار الغريب دا إللى ظهر على دراعى زى ما يكون وشم .. وشم .. دا طفح جلدى دا أكرم نافيا : لا .. لا هيجى منين الوشم دا على دراعى اليمين أيوا أهو زى ما يكون رسمه سيف إيه إللى بيحصل لى دا بقالى فترة وحلم عجيب بشوفوا وأنا صاحى .. ليه دايما حاسس إن فى حد مراقبك وإنت مش شايفه فى حاجة غلط .. مالك يا أكرم و………… رنين جرس الموبايل أكرم بهوادة : ناريمان ناريمان بتخبط : أكرم عاوزة أشوفك دلوقتى ؟ أكرم بهدوء : أوكيه إستنى فى نفس المكان هعدى عليكى بالعربيه ونخرج سلام ناريمان : مع السلامة نقلة موسققية م(15) إيلى بنبرة غامضة : وصلنا للهدف يا كى ناريمان العلاليلى صحفيه ولها نفس المواصفات الملكيه المذكورة فى البردية .. وأكرم علام ضابط قوى قوات خاصة .. مخلص وأيضا نفس المواصفات وفى نبرة وحشية : هما المختاران يا كى .. الدم ينساب بينهما ممزوجا وفى النهاية بوابة الوادى . كى بنبرة تساؤل : وماذا سنفعل ؟؟ لقد إنقسمت التعويذة إلى نصفين حتى نتمكن من فتح البوابة وكل جزء مع واحد منهما .. عليك توخى الحذر أكرم ليس بظابط سهل إنه قوى ومن معلوماتى عنه أن مأمورياته تكون خطيرة وخاصة يا عزيزى إيلى . إيلى بغموض : سأخبرك ماذا سنفعل . صوت الخفافيش والنار والإعصار . م(16) ناريمان فى تخبط : لازم حد يفهمنى يا أكرم أنا فتحت الصندوق ملقتش فيه إلا مفتاح عجيب الشكل زى ما يكون مفتاح الحياة عند الفراعنه ناريمان صارخة وبخوف : الفراعنه … الحلم .. الحلم إللى بشوفوا وكأن حكاية بتكمل قدامى . أكرم بشك وقلق : الحلم دا فيه واحد راكب حصان فى سرداب طويل ووراه أميرة ناريمان فى رعدة وفزع : إنت بتشوف الحلم زي ؟؟ أكرم بقوة : البردية معاكى ؟؟ ناريمان : أيوااا أكرم فى عجلة : بابا لازم نروح لبابا ناريمان تشهق : إلحق يا أكرم فى عربية ورانا وفيها ناس لا دول أكرم بقوة : إنزلى فى دواسة العربية بسرعه صوت وحوش صوت طلق نارى صرخة ناريمان نقلة موسيقية