الجزء الثاني من صالون الكنانة الثقافي

نبدأ معكم اليوم بأول لقاءات صالون الكنانة الثقافي والذي نأمل أن يكون بداية جديدة لطرح افكار

ومشاكل المواطن وكل ما يهمه أمام المسؤولين ، اخترنا

عنوان اولى موضوعاتنا عن وباء كورونا نحاول معا أن نجاوب على كل ما يخطر ببالكم من أين

أتى الفيروس و طرق الوقاية و كثير من الأسئلة التي تشغل

بالكم واجاب ضيفانا عن أسئلتنا و شرفنا اليوم بحضور الدكتور احمد البيلي رئيس اقسام الكلي

بمدريه الصحه بالدقهليه وعضو نقابة الاطباء بالدقهليه والدكتور

التهامي احمد شهاب رئيس اقسام الباطنه ورئيس وحده الفيروسات بمستشفي منيه النصر ، وبدء

حديثهم بالترحب الشديد بالحضور ، وقد قام باعداد اللقاء

الاستاذ وجدي نعمان الدكتورة نجلاء كثير ،الاستاذه اميره علي ، الاستاذه امل حيدر ، الاستاذه

جيهان مشعل ، الاستاذه سناء علي ، الاستاذه ثويبه صابر ،

الاستاذه ليلي موسي .

وأدار الندوه الاستاذ محمد عزت السخاوي

نعود معا لحديث الساعة فيروس كورونا المستجد

دكتور احمد قيل إن العلاج فى بلازما المتعافين كون دمائهم أصبحت بها أجسام مضادة فإذا كان

الوضع كذلك فلماذا يصاب المتعافين مرة أخرى بالفيروس

تمام سؤال كويس جدا بالنسبة للمناعة ضد الكورونا حتى الان لم يثبت إنها مناعة دائمة وقوية يعني

ايه الكلام ده ،

يعني انا مثلا لما بيجيلي دور برد باخد مناعة من البرد ممكن شهر أو أثنين ويجيلي برد ثاني ، فيه

امراض لو جات مرة واحدة للإنسان يأخذ مناعة دائمة منها

زي الحصبة مثلا

الكورونا حتى الان لم يثبت نوع المناعة اللي بتيجي بعد الإصابة بها هل تتكون أجسام مضادة

تحمي طول العمر أم لا

بخصوص ان ناس أصيبت بالمرض بعد شفائها فعلا فيه ناس أصيبت بالكورونا وجالهم كورونا

ثاني بس دول عددهم مش كبير خالص وكمان لما أصيبوا ثاني

كانوا بدون اعراض او اعراض خفيفة جدا .

أما ما يتعلق بخصوص جزئية نقل البلازما من المتعافين فانا باخد كدة الأجسام المضادة وبحقنها

لمرضي آخرين فالاجسام المضادة في البلازما هتقتل الفيروس

من المرضى

وحتي الآن الطريقة اثبتت نتائج جيدة وفعالة جدا بس المشكلة ان اعداد المتعافين اللي اقدر اخد من

البلازما مش كبير ودة اللي عامل صعوبة في نشر هذا

النوع من العلاج

دكتور أحمد ما هو تاثير كورونا على أعضاء جسم المتعافين منه وهل سوف يظل تأثيره عليهم

على المدى الطويل ام سوف يعودون كسابق عهدهم قبل

الاصابه ؟!

 في الحقيقة معظم الحالات اللي شفيت من الكورونا شفيت تماما بدون اي مشكلات ، بس هناك

بعض الحالات جالها مضاعفات بعد مدة وعددهم مش كبير ،

كما لوحظ إصابة البعض بالجلطات زي جلطات بالكلي او بالطحال او الاوعية الدموية التي تغذي

الامعاء ، وفية حالات في الصين حصلها تغير في لون

البشرة كما تم تسجيل إصابات بالعقم

بس كل دول نسبتهم لا تتخطي واحد في المية من المتعافين

تلاحظ اني متكلمتش عن الكلي في مضاعفات الكورونا … بس لسبب بسيط ان للاسف حالات

الكورونا اللي بتصل لفشل كلوي بسبب المرض للاسف بتموت

ومفيش اي حالة كملت معانا في مصر فعشان كدة مقدرش اقول انها مضاعفات تحصل بعد التعافي

 الرغم الحجر الصحي والإجراءات المتخذة في العديد من الدول، لماذا لا نزال نشهد ارتفاعا في

أعداد الإصابات؟

لسبب بسيط … عندنا مثل بيقول اللي بيدور علي ابرة في كوم قش ، احنا بقى في حالة فيروس

كورونا بندور علي فيروس وسط شعب وعاوزين نخرجه،يعني

اصعب من المثل بمراحل ، الفيروس بيمشي في الهواء بينتقل بين الناس بالتنفس كيف ستمنع

البشرية من انها تتعامل مع بعض ، واحد يقولك نعمل حظر كلي،

طيب يعني اية حظر كلي ، يعني تفضل ملازم بيتك لمدة ١٤يوم يعني اقلها هنطلع بعد ١٤ يوم من

البيت نلاقي مصر قلبت صحراء لأن الفلاحين مرووش

الغيطان مثلا ، ممكن ما متلاقيش في البقالات أي طعام لان مفيش نقل للاغذية ولا مصانع

دكتور بس الحظر الكلي جاب نتيجة بووهان؟!

طيب حتي لو قلنا كل دة مش مهم ونعد في البيت ، هيطلع واحد بعد كدة من هنا او هناك مسافر

متسرب من اي مكان ويجيب فيروس تلني ونبدا دورة

جديدة،زي محصل في الاردن ،كما أن الصين منجحتش بالحظر تماما هو فعلا قال من عدد

الإصابات الصين نجحت بحاجتين … مناعة قطيع ومستشفيات

غزل الناس اللي مرضت اتعالجت

وسبعين في المائة من الصينيين اصيبوا حسب اخر تحليل عشوائي اتعمل بالاجسام المضادة

بالصين ، وبعد كدة تم اتخاذ العديد من الإجراءات الوقائية من

تطهير و تعقيم و كمامات وعلى الرغم من أن الصين مازالت تسجل اعداد من الإصابات إلا أنها

قررت العودة لحياتها الطبيعية

سؤال يسأله الكثير من المواطنين ما السر من وجهة نظر الطب فى زيارات وزيرة الصحة للصين

وإيطاليا بدون ارتداء كمامه؟

الوزيرة كانت بانزل المكار تسلم الشحنة وترجع خلال ساعة بالكثيرولا تلتقي الا بمسئولين

والمسئولين دول سلام

ولم تلتقي مع شخص مصاب ودي مسألة حظ مش اكثر ،

انما التحرك بدون كمامة خطأ

دكتور أحمد طالبت نقابة الأطباء في بيان رسمي بتطبيق الحظر الكامل فما تفسير هذا؟

 نقابة الاطباء جهة مسئولة عن حماية الطبيب وليس الاقتصاد فطبيعي اني اطالب كنقابة بالحظر

الكلي لتقليل الأعداد وبالتالي أحافظ على الأطقم الطبية ، ومن

وجهه نظر

صانع القرار وهو المسئول عن اقتصاد فبيرفض المقترح

قالو أن أهم نوع من الحمايه هو النظافه والاسحمام ده كفيل ان تقي نفسك من الكورونا الملاحظ

في معظم المرضي هما الطبقه اللي نفذت التعليمات ما هو

السبب؟

 نظام التكليف الجديد فرض علي دفعة لتصحيح اخطاء الماضي فبيعترضوا على أنهم يشيلوا

الفاتورة كلها لأخطاء الماضي ، يعني اية ، النظام الجديد ببنزل

فقط الاحتياج في التخصصات اللي الوزارة عاوزاها ، يعني اية يعني الوزارة الان بتعمل نظام

تأمين صحي وفية كورونا … فعاوزة نص الاطباء يا تنظيم

أسرة يا عناية مركزة ، والتخصصين دول زي مبيقولوا مبياكلوش عيش كعيادات خاصة والطبيب

لا يتقاضي مرتب محترم من الصحة عشان تديلة كمان

تخصص يقفلة اكل عيشة ، وبالتالي اعترض الاطباء

 

النظام الجديد دة مطبق في امريكا بس نجح لية لان امريكا بتيجي تقولك التخصص النادر دة متبة

مثلا عشرين الف دولار انما لو هتتخصص جراحة عامة

هتاخد ١٥ ، وبالتالي انا بعوضه عن الخسارة اللي هتلحق بيه ، يبقى الحل مش اجبار الطبيب

بقوانين إدارية انه يشتغل تخصص معين بالسخرة وبدون مقابل

مادي .. هيقدم استقالته ويهاجر وتبقي خسرته

زيادة بدل المهن الطبية بنسبة ٧٥٪ هل سيكون له تأثير على هجرة الأطباء لمستشفيات

الحكومة؟

بدل المهن الطبية ٧٥ ٪ زيادة دول ٣٥٠ جنية شهريا  ده كلام

طب ايه الحل من وجهه نظركم كنقابة أطباء؟

 الحل بهيكل عادل لاجور الصحة ومش لازم من موازنة الدولة ممكن من الصحة نفسها زي مثلا

رفع سعر تذاكر الزيارة … الزيارة مش عبء علي

مريض… رفع رسوم تحويل الاسعاف للحالات غير الطارئة

طب ده مش هيمثل عبء ع المواطن؟

حتي لو رفعت تذكرة العيادة الخارجية لعشرة جنية وانا كمريض رحت لقيت الطبيب متواجد

ومنتظرني وحابب العمل انا كمريض استفدت ، مفيش دولة في

العالم بتعمل كشف بجنية اشمعني المواصلات والبنزين وكل الدنيا فيها رسوم غلت واقول الصحة

مجانا وفي نفس الوقت هذة المجانية خلت الخدمة سيئة وفي

النهاية العيان الغلبان دة بيضطر يدفع دم قلبة في الخصوصي طبيعي ان الطبيب لما يكون مرتبة

الفين او ثلاث الاف هيبقي تواجدة في مكان عملة غير منتظم

وهيقرر يبحث عن مصدر رزق خاص ، في النهاية الطبيب انسان ولدية التزامات

دكتور احمد حضرتك بصفتك عضو نقابه للاطباء ماذا فعلت في بدل العدوي للاطباء والتمريض

التي حكمت بها المحكمه ومازالت كما هي 19في الوقت

نفسه ان الغير معرضين للعدول بياخدوها بدل 3000واربع 4000؟

 النقابة رفعت لبدل العدوي دة قضية والقضية حكم فيها للنقابة والحكومة كعنت علي الحكم واسقطته

، ايه ممكن نعملة اكثر من كدة كنقابة

طب مافيش طرق تفاوضيه ؟

اذا كان في كورونا والدكاترة بتموت واكثر من ٣٠٠ طبيب اصيبوا بالكورونا والاخر الزيادة ٣٥٠

جنية … هتتفاوض علي اية ، العمل في مستشفي العزل يوم

كامل اليوم ب ٢٥٠ جنية عمل ٢٤ ساعة !

لو جبت عامل نظافة تقولة اشتغل في الكورونا ب ٢٥٠ جنية في اليوم هيرفض … مش دكتور مصروف عليه ملايين عشان يبقي دكتور .

مشكلة الصحة ان فيها أعداد موظفين وفئات معاونة ضخم

لما بيجوا يعملوا زيادة بيعملوها للكل وبالتالي الطبيب بيزيد فتات ، انت لما بتعمل زيادة المفروض تشوف الفئة اللي عندك فيها مشكلة ايه وتصلحها ،هل من

العدل الطبيب تلاقي مرتبة ٣٠٠٠ جنية والإداري ٢٥٠٠ جنية ،

عاوز من الاخر … احنا عندنا ٢٣٠ الف طبيب في مصر

٥٠ الف بيعمل في الصحة فقط ، معظم الاطباء مسافرين برة ومعندهمش مشكلة وعايشين

نقابه الاطباء في عهدكم شهدت طفره هائله واهما بيت العائله وتكريم الاطباء ورفع حالتهم النفسيه ماذا انتم ايضا فاعلين لهم؟

عاوزين نصلح منظومة نعمل هيكل اجور عادل لوقف الهجرة ، احنا مستمرين في دعمهم والمطالبة بحقوقهم وحضراتكم كاعلاميين محترمين ليكم دور

بالتوعية وتوصيل صوتنا للحكومة ، لان احيانا بيبقي صانع القرار بعيد عن الحل العملي

ماذا عن ما يسمى بالبؤرة الدرنية في المعدة وتكون ساكنة و أنها عند تفاعلها يحدث الإصابة

بالدرن ازاى نعرفها ونحمى نفسنا منها ؟

مش في المعدة فقط غالبا تكون في الرئة دي معناها ان انا في يوم من الايام انصبت بالدرن وكان

مناعتي قوية ، وحاصرت الميكروب ، بس مقتلتوش إنما

حاصرته في حوصلة واي وقت مناعتي هتقع هيخرج لها من جديد

وينتشر الدرن الحل تطعيم الدرن للاطفال ،البعد عن الشيشة خصوصا الشيشات الجماعية

بخصوص المشروبات الغازية أو أي مشروب به مواد صناعية هل هذا بيضر الكلي وهل بالفعل

البقدونس مفيد للكلي ومن الأفضل غليانه على النار ام يترك

في ماء فقط فترة وما هي المشروبات الصحيه للكلي والعكس؟

 المشروبات الغازية خاصة الملونة طبعا ليها اضرار على الكلى ، البقدونس والمشروبات والسوائل

عموما طبعا مفيدة للكلي بس منفرطش في القصص دي

تلاقي واحد طول اليوم مفضيها بقدونس وجنزبيل وكسبرة، احسن علاج للكلي اظبط السكر

والضغط والاكثار من شرب المياة

هل الفشل الكلوي يعتبر من الأمراض الوراثية؟

مش كل الفشل الكلوي وراثي لكن هناك امراض وراثية تصيب الكلي زي مرض تكيسات الكلي …

دي ممكن تبقي وراثية وتصيب عائلة باكملها تلاقي اب