الحنيه

119

الحنيه

 

بقلم الأستاذة/سما السعيد

 

كل انسان مننا محتاج الحنية في حياته محتاج حد يجبر خاطره ولو بالكلمه

حد حنين عليه ويهتم بيه ويحسسه أنه مهم.

الحنيه دي أساس الحب والعلاقاات وأساس الحياه بشكل أوضح ومش العلاقة بين شخصين بمعني رجل أو ست بس لا بين الصحاب والأخوات والأهل والجيران والزوج والزوجة بين كل الناس.

بجد الحنيه كفيله تخليك تحب الشخص فوق حبك ليه حبين تخليك تحترمه ويبقي غالي وعزيز علي قلبك ومكانته تعلي وتزيد .

صدقوني بتفرق………

 

الكلمة الحلوة بتفرق واللمسه الحنينه ‏ بتفرق والموقف اللي بيحتاج رد عليه بعصبيه واترد عليه بحب وحنيه وجبران خاطر بيفرق

‏وبيتشال ف القلب ومبيتنسيش ابداااا ابدااا ….

‏عشان كدا الرسول صلى الله عليه وسلم

‏قال ” الكلمة الطيبه صدقة ”

‏ودا أن دال بيدل علي لين القلب وحنيه وطيبه الشخص

‏ لأن بيطلع منه الكلمه الطيبه ……..بمعني طيبه علي النفس ومستحبه وتتحب وبتجبر الخاطر وبطيب الجرح وتداويه .

‏حقيقي يا بخت اللي في حياته شخص حنين عليه وبيحسسه بالحنينه بأجمل صورها ومعانيها الضاهرة والكامنه في النفس وبيعبر عنه في مواقف وكلام وتعبيرات وأسلوب ……

ربنا يكرمنا ويكرمكوا بالأشخاص الحنينه

لأنها اهم صفة في الإنسان

هي أساس كل شعور حلو وكل شعور جميل اتبني ل اي شخص جواك كان مصدرها موقف حبيته منه كان نابع من القلب نابع من كونه انسان حنين .

خليك حنين وحب غيرك وحسسه ب دااا ومتأجلش اي شعور حلو جواك ل اجل أي شئ

لا أظهره وبينه للشخص هيفرق معاه وهيفرق جواه وجواك وانت بتعمله

‏وانت‏ هتلاقي حب وإقبال وعاطفة وإحساس من الشخص التاني هتحس انك عملت حاجة كبيرة وهتحس بمدي غلوتك وقبولك عندة ……..

واخيرا ….

الحنيه اهم من الحب …..الحنيه هي اللي بتجيب الحب وبتزودة لو موجود

 

( الحنيه حب الحنيه سعادة الحنيه حياااااه )