الرئيس السيسي خلال افتتاح مصنع كيما بأسوان

كتب وجدي نعمانالرئيس السيسي: "هنوفر عناصر النجاح للمصانع الجديدة ومش هنكرر اللى فات"

هنأ الرئيس عبدالفتاح السيسي، الحكومة وقطاع الأعمال على افتتاح مصنع كيما ومحلج الفيوم المتطور، متابعا: ” أهنيكم.. قطاع الاعمال والحكومة على المشروع ده والافتتاحات سواء مصنع كيما ومحلج الفيوم، ويمكن في المناسبات الجميلة دي نقول كلام جميل”.
 
وأضاف الرئيس السيسي خلال افتتاح مصنع كيما بأسوان: “مش هنسى شاب قالى مصنع كيما بيرمي مخلفات في النيل وعملوا حاجة علشان الريحة متطلعش.. وخدناه وروحنا وقولناله احنا شغالين في ده وهنعمله”.
 
وتابع الرئيس: “الوزير بيقول بعنا الأرض علشان ناخد قروض.. بعنا الاراضى علشان ده ونجيب جزء من الفلوس.. مش عاوزين نرجع تاني للخراب والمصنع ده بعد شوية يرجع يتدهور تاني.. في 3 حاجات التسعير والإدارة والحوكمة بنعمل إجراء علشان نحقق التسعير علشان يبقا سعر مناسب للزراعة فى مصر”.
 
وقال الرئيس السيسي: “الطن كان بتمن ودلوقتي بتمن تاني، نتيجة السنتين اللى فاتوا.. وبالتالى عاوز تصدر وعاوز احتياجات السوق والاسعار في السوق مدعومة والسعر وصل الى تلت السعر اللى في العالم”.
 
وأكمل الرئيس: “التسعير محتاج دايما ازاى نحل فيه وهقول للمزارعين ووزارة الزراعة يا جماعة نظم الري الحديثة الزراعة الحديثة تخلي كمية الأسمدة المستخدمة اقل بنسبة 50 او 40 % بدل ما تشترى شيكارتين تشترى واحدة أصدرها بره”.
و تحدث الرئيس عبد الفتاح السيسي، عن أوضاع الدولة المصرية في الماضى، قائلا: “لن انسى عام 2011.. والمفروض يا مصريين مش تنسوا العام ده.. كل إجراء وخطوة مش تنسوا العام ده.. اللى أنقذكم ربنا وحده.. وربنا اللى أنقذ البلد دى من مصاير الخراب والدمار.. ولأجل خاطر الـ 100 مليون مصري”.
وأضاف الرئيس السيسي، خلال كملته في افتتاح مشروعات قومية جديدة في محافظات الصعيد: “ربنا انقذ البلد دى علشان البسطاء والغلابة.. لحكمة إلهية وربنا انقذها.. وهل هنكرر نفس المسار تانى.. لا طبعا.. الكلام ده لو هيزعلكم انا هاجى عليكم.. علشان خايف على البلد..مش تزعل الا على نفسك وانك ممكن تكون سبب في دمار بلدك وخرابها”.
وقال الرئيس عبد الفتاح السيسي، أن المصانع الجديدة يجب أن يتوافر لها عناصر النجاح بشكل كامل، قائلا: “أنا عاوز فرص نجاح للمصانع والشركات الجديدة منعا لتكرار اللى فات، متابعا: “اى مستثمر أو قطاع خاص لما بيعمل مصنع جديد مش بيكون عنده مشكلة في تحديث العمل داخل المصنع ده.. لانه قاعد بيدير صح.. الإدارة الجديدة مفيش فيها خواطر.. مش هعين حد في المصنع ملوش لزمة.. علشان قريبى أو معرفتى أو كلام هذا القبيل”.

وأضاف الرئيس السيسي، خلال كلمته في افتتاح مشروعات جديدة في محافظات الصعيد مثل مصنع كيما للأسمدة: “القطاع الخاص شريك معانا.. هيدفع ويبقى معانا بفلوسه بقى.. بتوع قطاع الاعمال هيزعلوا منى.. انا بتكلم في مصلحة أكبر.. بتكلم في مصلحة البلد.. انها تعيش وتكبر.. البلد تعيش وتكبر وتبقى المصانع عبارة عن أداة في الاقتصاد ورفاهية المجتمع.. وده مش هيحصل إلا لما تبقى منضبط في التعيين والتشغيل”.