( الشخصية الحساسة )

92

بقلم : ماري أندريا
الشخصية الحساسة أو بلغتنا احنا اسمه العيوطة
الشخصية دى بتكون حساسة جدا و بتتاثر بسرعة و الحساسية دي مش مرض بيتعالجو منه لا دى صفة بتبقي موجودة عند الناس دي لأن الجهاز العصبي بيكون واعي جدا و سريع الاستجابة علشان كدة الطفل بيكون حساس اوي و بيزعل بسرعة من حاجات كتير زي الاحداث الوحشة اللي حصلت معاه و كلام الناس أو حتي طريقتهم و بيتوجع من اي ألم جسدي بسرعة جدا و بيبكي و يزعل بسرعة اوى بس كمان هو شخص طيب جدا و بيسامح بسرعة علشان بيتعاطف مع كل اللي حواليه و بيحب يعيش في بيئة هاديه و مش بيحب التغييرات الكبيرة اللي بتبقي في الروتين و بيحتاج وقت كبير علشان ياخد علي الاماكن الجديدة أو الناس الجديدة اللي حواليه و طبعا المفروض احنا نكون بنفرق بين الحزم و القسوة و نكون بناخد بالنا من كلامنا لما يغلط علشان منجرحهوش بأي كلمه هنقولها و لازم نعرف انو لما بيبكي أو بيزعل فهو مش بيتدلع ولا بيأڤور زي ما معظمنا بيقول، لا دة بيتألم زيادة لأن دة بيكون بسبب جهازه العصبي زي ما قولنا ف الاول ، و دة بيخليه يقدر يحس بأى حد بسرعة و يفهم مشاعر اللي حواليه بسهوله جدا .
لازم نعرف و نعرفهم أن الحساسية دي مش مرض و مش عيب دي صفة موجودة في الشخص دة بالعكس دى احيانا بتكون ميزة .علشان كدة لازم نكون بنتعامل معاه صح و نساعده انه يعرف يتأقلم و يتطور علشان محدش يقدر يأذيه .
لازم نكون بنتعامل معاهم بطريقة مختلفة و منسبش الفرصة لأي حد انه يدايقهم ولو حتي بكلمه .