( الشخصية العصبية )

66

بقلم : ماري أندريا
مين فينا مقالش ياااه لو كل الاطفال هاديين و مبيتشاقوش و يضربو بعض و يتنرفزو و يتعصبو كدة .
العصبية و الغضب دول مشاعر طبيعية جدا و موجودة عند كل الناس و موجودة بنسب مختلفة عند كل واحد .
و هي بتكون مفيدة لأنها بتعرفنا أن الطفل دة بيكون عندو مشكله او بيتعرض للظلم في حاجة معينة و بيخلينا نقدر نروح و نساعده
لكن الغضب بيبقي مشكله لو اتحول لسلوك عدواني و بيخلي الطفل يأذي أصحابه اللي حواليه .
علشان كدة هنتكلم النهاردة عن
5 اسباب للغضب ؟!
و 5 حاجات مينفعش نعملهم و احنا بنتعامل مع الطفل العصبي .
و 5 حاجات المفروض نعملهم علشان نغير السلوك دة .
السبب الأول من اسباب الغضب عند الطفل : أن يكون البيت عنده مليان بنفس الغضب دة و أن دة هو المثال اللي بيشوفو و بيتعلم منهم أن بابا و ماما بيتخانقو دايماً و في مشاكل بينهم علي طول و هو بيتعلم دة منهم .
السبب الثاني : أن الطفل يكون بيتعرض لمشاكل بينه و بين صحابه ف دة بيخليه متوتر و في حاله غضب علي طول .
السبب الثالث : انو يكون بيتعرض للتنمر و دة اللي بيخليه غضبان
السبب الرابع : أن الطفل يكون عليه ضغط من بيته ف المذاكرة و الدراسة أكبر من طاقته أو اكبر من إمكانياته .
السبب الخامس : أن ممكن يكون في مشكلة معينة أو موقف معين مسبب للطفل قلق أو توتر

طيب ايه اللي ينفع اعملو و ايه اللي مينفعش ؟!

1- مينفعش اقول للطفل أهدأ أو متتعصبش لأن الطفل في الوقت دة بيكون مبيعرفش يتحكم في أعصابه علشان كدة مينفعش اطلب منه حاجة مش هيعرف يعملها .

2- بلاش أنت اللي تتعصب أو تفقد سيطرتك و خليك أنت اللي هادي لكن خليك مثالي .
يعني قول للطفل انا مش هتكلم معاك ولا هتواصل معاك غير لما تكلمني زي مانا بكلمك كدة و بنفس الهدوء دة .
الطفل اوتوماتيك هيحاول يهدي نفسه علشان يعرف يتواصل معاك
3- بلاااش تجبر الطفل انو يحس بحاجة هو مش حاسس بيها يعني متقولش غلط الطريقة دي مينفعش انك تكون متعصب، ليه ؟! لأن دى مشاعر هو حاسس بيها
طيب المفروض اعمل اي ؟!
{أشتري وقت} يعني أي أشتري وقت ؟!
يعني اقعد اتكلم معاه و دردشو مع بعض و خليه يتكلم و يعبر عن نفسه و مع الوقت هتلاقي الطفل بيهدأ لوحده
4- متقولش للطفل أن دي غلطتك .
يعني متقولش أن هو الغلطان و هو متنرفز أو متعصب .
يعني اعمل اي برضو لاني مش فاهم ؟!
يعني تسمعو و متزعقش و انتبه لكلامه و خليه يعرف انك مهتم و حاسس بيه و عايز تساعده .
5- متقولش أنا قولت قبل كدة ان الموقف دة غلط لان كدة الطفل هيعند معاك و هيكرره تاني .
طيب و الحل اي ؟؟؟؟؟
أستخدم الخبرة دي أنها تكون درس جديد بيتعلمو . ( يعني مثلا هو اتخانق مع أصحابه و حصلت مشكله و الخناقة كبرت و اتنرفزو و اتعصبو ) . يبقي احنا نتعلم من كدة ان لو حصلت مشكله أو خناقة بيني و بين أصحابي نروح لحد كبير و نرجعلو و لما الشخص دة هيتدخل بيننا هيقدر يحل المشكلة دى قبل ما اي حد فينا يتعصب أو يتنرفز .