أدب وثقافه

الطيابه والحنيه

كلمات محمد سليمان

انسانى يادنيا انسانى

غيرت خلاص عنوانى

ارجوكى ماتتعبنيش…

الطيبه والحنيه

مابقتش لايقه يادنيا عليا

ولاحتى يادنيا تاكل عيش…

والطيابه صبحت سذاجه.

فى الحب وكل حاجه

والحنان راحت عليه

والغرام مليان كابه

بقى كله بالفلوس

تشترى حتى النفوس

وقليل البخت دايما

على طول تلقاه منحوس

ان طلبت منه حاجه

اى حاجه يرد مافيش

الطيابه والحنيه

مابقتش لايقه يادنيا عليا

ولاحتى يادنيا تاكل عيش…

ليه الناس تكدب وتغش

فى الدنيا عايشه بالفين وش

والطمع بقى مالى قلوبهم

مستقويه القلب ومابترحمش

الدنيا صبحت سيرك ومغنى

لاطعم ليها ولاحتى معنى

ونقول لمين ونعيد لمين

ومين يادنيا راح يسمعنا

والطيابه والحنيه

مابقتش لايقه يادنيا عليا

ولاحتى يادنيا تاكل عيش…

اترك تعليقاً

زر الذهاب إلى الأعلى