( العشق للصفوه)

62

بقلمى الشاعر/ محمد غبن 

شاعر آل غبن

( العشق للصفوه)

العشق مش للى زينا
إحنا متصنفين ليهم حراس
نمشى من سكات وعينينا فى
وسط رآسنا تحميهم نظرة الناس
يبقى مين قالك ياساذج إنك
تبقى زيهم ويترفعلك راس
العشق لعلية القوم وأنت ياعيني
قدامهم بلا روح ولا إحساس
ميت وسحبوا كل ماكان عندك
أو ليك من طعم وحواس
ارضى بقى وخلاص بنصيبك
وخليك ربما الزمن يوم يعدلك
يمن عليك ربنا وتتغير الأمور
والحياه والدنيا ممكن تبصلك
بس إوعي تنسى إنك لسه
من طينه تانيه غير طينتهم
لا أنت عايش زيهم ولا
حتي هنقول إنك قريبهم
أنت فئه مهمشه زيك
زي اي حاجه اقولك زي الهموش
يعنى منك كتير يامسكين
وبسرعه يغيروا بس الوشوش
أنت عايش يدوب على فتات
الساده العشاق اللي مبيشفوش
يعنى ماغلطتش لما قولتلك ميت
وياعيني ع الدنيا لما تغير الوشوش