( العشق ياحبيبتي)

68

بقلمى الشاعر /محمد غبن 

شاعر آل غبن

( العشق ياحبيبتي)
العشق ياحبيبتي سهر
ودموع وإشتياق
وعشان نفضل بطريقه
طيبه مقدرش على لحظة فراق
إوعى تفسرى كلامي مش
بحبك او مش ليك مشتاق
بس أنا شايف نبعد قبل
مااتعب وأحس لوحدي ف سراب
برغم إنى بحبك حب صعب
تصنفيه أو يعشقه كل الشباب
والدليل على صدق كلامى يوم ما
حبيت اعترفت وجيتلك من الباب
إوعاك تستغربى من رأيى وتقولي
إزاي حبنى وعايز يسيبني للعذاب
سامحينى برغم إني بتعذب أكتر
بس لازم اكون صريح مع الأحباب
فكرى في كلامي كويس وشويه
شويه هتنسيني وهآخد لقب غياب
أو كإنك معرفتنيش بس معنديش
إستعداد ولو للحظه يضيع عشقنا
لإن الحب الطاهر إنسيابى ليه
جماله وبتلاقيه ماشى في دمنا
برغم إنك حاجه تانيه ونادره
شاورت عليها قلوبنا وباركت حبنا
يعني إختيارنا مشترك بإيدينا
بس خايف يموت وقتها فرحنا
مش مستكتر إننا نعيش حبيبين
بس كل خوفى لحظات البعاد
ويتقتل وقتها وبينا الوداد
ويضيع حبنا ويصبح يتيم
شريد ملهش نسب من غير هويه
هتموت قلوبنا ساعتها وحكمنا
علي نفسنا وتاهوا صحاب القضيه
الحب والعشق ليه ناسه
برغم إني حبيتك قد الدنيا ديا
بس أنا شايف بنظره أبعد وحكمت
علي حبنا بنظره واقعيه
المهم متقوليش إني بغدر بالعكس
جوايا وجع واحتمال اكون ضحيه