(الغالية أمي)

بقلم الشاعر/ محمد غبن
شاعر آل غبن
15/5/2020

فيك حاجات بتشدنى
مش عارف هيا أيه وقت
الشده ألاقيك بتضمنى
كأنى إبنك ضناك
واللى خايفه عليه
بحنان بتطبطى وتحنى
من وقتها حسينك أمى
لقيت نفسى عايش فيك
حتى دمعى ولا فرحى
كإنهم متعلقين بيك وليك
نفسى اشوفك أجمل البلاد
تتنفسى وتآخدى شهقيك
تهدى نفسك وتبلى ريقك
يبعدوا الخونه الوغاد
دا إنت ياما فاتحه الببان
بس ماصنوش الوداد
قتلوا صبيك وشبابك
قتلوا جنود خدمه في ميدان
عشان كدا بعشق ترابك
وروحي فداك وعشانك
دا شعور جوايا وليك
عشق والله وقليل عليك
إلهي يخليك وتعلي ويحميك
وينصرك علي كل اللى يعاديك