الفراق والبعد بقلم / سما السعيد

58

الفراق والبعد

بقلم / سما السعيد 

لحظة البعد والفراق بكل انواعه لحظة قاسيه ومتعبه ومرهقة جدا جدا علي النفس وعلي القلب 

لحظة ما انسان غالي عليك وعلي قلبك يبعد عنك لحظة بتخليك تحس ان قلبك اتخطف كدا بتخليك تايه مضطرب 

مش فاهم ولا واعي للي بيحصل وهيحصل

 كل اللي انت عارفة وحاسه انك تعبان

و موجوع وفاقد المتعة والشغف في أي شئ وبس

احساس أن القلب هيقف والدموع نازله وسابقة احساس صعب جدااا ومتعب 

غير الذكريات اللي بتفضل تكرر في بالك وفي خيالك والصور تفضل تتعاد عليك وعلي قلبك وعينك ومخك

 وتتعاد بإحساسها ولمستها اللي في القلب اللي مبتروحش ولا بتتنسي من البال والخاطر 

حقيقي البعد صعب وبيأثر جدا خصوصا لو حد غالي

 بتحس أن روحك بتتسحب منك

 

دا غير لما تمشي في مكان كان ليكوا فيه ذكري وتفتكر الكلام والضحك والموقف والصور تمشي قدام عينك وتتعاد وتحس احساس غريب جدااا جدااا وتحن للشخص دا ويوحشك

 

فكره ان شخص يوحشك ويبقي نفسك تشوفه وتسمع صوته وتحس بيه وبقربه معاك ومتعرفش تشوفه لأجل اي سبب احساس بيقطع جوه الواحد وبيحسسه بالعجز وقله الحيله وبيزود الشوق جواه وبيخليه مدايق وعنده احساس خنقة مبيروحش

 

(حقيقي البعد صعب والاصعب الحنين والذكريات) 

 ربنا ما يبعد عنكم اي حد بتحبوه وربنا يقرب البعيد …...

 ‏

وكل واحد فينا اكيد جرب الاحساس دا جربه مع حد من أهله اوأصحابه أو اخواته أو زوجه او زوجته أو ابنه أو بنته أو حبيبه أو حبيبته أو والده أو والدته أو جاره  

اي حد غالي فارق مع القلب وبس

 

 شخص قدملك حاجات كتير فرقت معاك وكان ليها شعورها المختلف وذكريات اكتر لمست قلبك اه فيها الحلو والوحش بس هو انت بتحبه وبتحنله وبس 

 ‏

 ‏شخص غالي وفارق وبس

 ‏ 

 ‏شخص سايب حاجات جواك ليها قيمه وغلاوه وصدق وحب 

 ‏

 ‏شخص بيوحشك كل حاجة بينكم هزاركم وكلامكم وروحكم وحتي رخامتكم علي بعض بيوحشك احساسك بالقوة معاه وتشجيعه ليك وكذلك احساسك بالضعف اللي بتشاركه معاه وبيشارك فيه وبيخففه عنك

 ‏

 ‏بيوحشك تشاركه حاجات كتير في يومك وحاجات اكتر وابعد من كدا……….

حاولوا تخلوا كل اللي بينكوا ذكري لطيفة كويسه تتحب وباقيه و كلها خير

 عشان في يوم مجهول متعرفهوش لأجل اي سبب حصل فراق أو بعد تفتكرها وهو يفتكرها وتأثر فيكم ويأثر الخير اللي كان فيها

 ‏ اه هتتعبك جدا بس هيبقي في شئ كويس بينكم في اي وقت حصل بعد 

 ‏ يجدد اللي بينكم وكمان يزود غلاوه الشخص وكمان يبقي ويلمس القلب

علي قد ما البعد قاسي علي قد ما ساعات بيكون مفيد 

ممكن يخليك تعرف قيمة شخص كان موجود في حياتك اصلا ممكن كان بنسبالك عادي او حتي لو مش عادي وفارق بيخليه يفرق اكتر 

وساعات بيخليك تعرف تاخد قرار مكنتش قادر تاخدة في وجود الشخص دا 

وساعات بيخليك تعرف مكانه الأشخاص في حياتك فعلا ومقدار حبك ليهم وهل هما فعلا فارقين ولا لا وهل يستاهلوا ولا لا

 ساعات بيخليك تعيد حساباتك وتفيدك في حياتك

 ‏ساعات بيقويك وساعات بيضعفك 

 ‏بس اكيد

 ‏ كله خير وكله ليه هدف ومعني من ربنا 

البعد مصطلح كدا معانيه كتير وإحساسه مختلف من شخص لشخص حسب اللي موجود في القلب وحسب الأشخاص واللي بينهم وحسب الذكريات ومدي تأثيرها في القلب و المشاعر الموجودة…..

  بس في النهايه…..

  ‏وصفه صعب ومتعدد ومحدش بيحسه غير الشخص اللي موجوع وبس ومحدش بيقدره غيره 

  ‏وقد يكون كلمه تعبر عنه وقد يكون كلام كتير 

  ‏وقد يكون صمت جواه تعب ووجع مدفون أعمق من اي كلام واي شعور عشان كدا تقديره نسبي وكل واحد بيقدره حسب اللي هو شايفة وحس بيه وحسب الموقف اللي اتحط فيه وحسب وجه نظره

  ‏

  لكن هو في الأصل شعور عميق جدا مبيتوصفش

  بكلام ولا بأي حاجة بيفضل في الإنسان من جواه وهو بس اللي عارف لأنه الوحيد اللي عاش حاجات غيره مش عاشها معاه ولا شافها ولا حسها ولا لمسها هو بس اللي عارف هو بس …. ……

  

  ‏

 

 ‏