الفــــــــــراق

‎البكا عموما بيقسي القلب..غصب عنك هتبدء تلوم نفسك علي كل دمعة نزلت منك علشان شخص محترمش دموعك و كل حاجه عملتها و ملقتش مقابل هتكرهوا غصب عنك مهما كنت بتحبه..المشكلة الحقيقة لما الطرف التاني يبدء يتعب في حياته ويرجعلك..من قسوة القدر ان دايمآ “الحاجات اللي بتستناها بتجيلك بعد ما تبطل تستناها” ومن لطف ربنا انه بيزرع جواك “قوة حتي لو في اشد لحظات

“الضعف” مبتكسرش”القوة ” دي سببها “العياط” غصب عنك لما يعرض عليك انكم ترجعوا..”بتفتكر الايام اللي كنت بتبكي فيها علشانه وهو مهتمش..بتفتكر حياتك اللي وقفت فترة طويلة وهو متحركش بتفتكر كل الذل والتعب اللي عيشته علشان ترجعوا وهو بكل غباء كان بيقسي..حواديت الليل..الدعاء في الصلاة المراقبة.

وهكذا” فطبيعي بيكون ردك قاسي جدا ورافض تمامآ حتي لو روحك في ايده..بترفض الفكرة وبتقبل انك تعيش حياتك بفقدان سواء ربنا هيعوضك بأفضل منه او لا

‎لو بعدت عن حد وفي نيتك ترجعله “الحقه قبل ما يبطل يبكي عليك..الحقه قبل ما ربنا يزرع جواة القوة”..ولو انت اللي اتسبت وعارف ان مفيش أمل “أبكي..أبكي علية كتير علشان تبطل تبكي بعد كدة..علشان تفوق لنفسك وتعرف ان اللي بيحبك مش هيسيبك تبكي علية كتير..مش هيقبل يشوفوك بتنهار قدامه ويسكت”..الأية دايمآ بتتقلب واللي بيبكي دلوقتي علي حد بكرة اللي بيبكي علية هو اللي هيتعب ويتمني يرجعله ووقتها مش هيبقي في اي طريق للعودة..وإن القسوة إتولدت من عنق الجفا وإن البكا إن زاد عن الحد قطع الوصل في العودة”