أدب وثقافه
الكرسي الفاضي
بقلمي سحر ابوالعلا
الكرسي الفاضي
ع السفرة
بيسألني عليك
وحيطان البيت
صابها البرد
من بعد غيابك
والباب المفتوح
في أمان
بقى له قفل
وكام مفتاح
من بعد غيابك
عمر القلب في
يوم ما ارتاح
كل الحاجات اللي
فيها ذكرى منك
كلها فاكرة لسة
وبتسألني عنك
حتى الشوارع
اللي شهدت
يوم علينا
مشتاقة من تاني
تشهد على خطاوينا
متلهفة لضمة ادينا
تسمع حكاوي حبنا
مترجمة في لمعة عنينا
………………..
سحر ابوالعلا
#السلطانة
تابعنا على
