اللى كنت خايف منه حصل

دكتورة فاطمه محمود

هاقول لك
على جملة عزيزى القارئ ممكن تكون سمعتها من صديق أو من قريب أو انت شخصيا ممكن تكون قلتها .
الجملة دى بنقولها واحنا مستغربين هو ازاى…وماكانش لازم ده يحصل.
️الجملة دى هى..(أهو حصل اللى كنت خايف منه).
️طيب ما سألتش نفسك ..انه ليه اللى كنت خايف منه حصل؟؟
اللى انت خايف منه حصل عشان انت اللى خليته يحصل..طب ازاى.
عشان انت فكرت فى الموضوع وفكرت فى الفكرة دى وعشتها بخيالك لحد ما عملت سيناريو بنفسك لموضوع الفكرة دى وطبعا تفاعلت معاها بمشاعرك..بدليل انك خفت منه.
ونسيت وانت بتعمل ده كله ان شرط اساسى لإنك تخلق واقع فى حياتك .
انك تفكر فى فكرة وتركز فيها وتنفعل بمشاعرك بيها وتتأثر..وطبعا عشان خايف من الحدث ده ..بتفكر فيه كتير..
وعقلك الباطن فى الحالة دى بيسجل وبيرسل لجنود الله فى الأرض..عشان يحققها واقع ملموس فى حياتك.

عرفت ان انت السبب فى ان اللى انت خايف منه حصل؟

دكتورة فاطمه محمود