المسحراتية بقلم د أمل درويش

24

مسحراتية م الشرق جاية على الغربية أمسي وأصحي ناس غاليين

ف القلب ليهم مكانة وحنين.. والراس تشيلهم قبل

العين

م السنطة ندخل على المحلة ومن بسيون لكفر الزيات رايحين

في زفتي قالولي استني قلتلهم في سمنود أحباب هناك مستنيين

ومن قطور على طنطا السيد البدوي يناديني بهمس في الأذنين

أهل الشجاعة والنخوة يوم عيدها في أكتوبر ذكرى انتصارهم ع الفرنسيين

الترس ف شعارها رمز الصناعة يحضن القبة والمدنة ف المسجد متباركين

الكل يحكي عن غَزلها ونسيجها.. من المحلة راجعين ومحملين

زيوت تلاقي وصابون كمان مشهورة أصلها بالكتان “شبرا ملس” ليه منتجين

عديت أسلم على اخواتي مرقص ومريم ف سنباط في كنيسة الشهيدة رفقة معيدين

وخدوني كنيسة أبانوب نسترجع ذكرى العذرا وعيسى معاها من هنا مارّين

معبد سمنود وصا الحجر آثار تلاقي ف كل شبر كنوزها مدفونين

مصر التاريخ والعمارة ف كل خطوة إشارة وعد الأمان من رب العالمين

لا يتوفر وصف للصورة.
قد تكون صورة لـ ‏نشاطات في أماكن مفتوحة‏
قد تكون صورة لـ ‏نصب تذكاري‏
قد تكون صورة لـ ‏‏٢‏ شخصان‏
قد تكون صورة لـ ‏‏نشاطات في أماكن مفتوحة‏ و‏نصب تذكاري‏‏