المسحراتية

24

المسحراتية

بقلم د. أمل درويش

 

مسحراتية وقلت اخدكم ف جولة الليلة على دمياط رايحين

من أول ما تدخل زمامها جوافة وعنبها ولمونها روايح الخير مفحفحين

دي أرض العِز والبركة صناعة وزراعة ونخيلها يزيد عن المليونين

قالولي تعالي تحلّي بقك مشبك وبلح الشام.. عرايس المولد مرصوصين

عرايس هنا وعرسان.. يختاروا أثاث دمياط يعمر سنين وسنين

ويصنّعوا ف عزبة البرج سفاين ويخوت.. مش بس ف الأثاث شاطرين

طابية عرابي قلعة حربية ف عزبة البرج يبنيها جيش الفرنسيين

وف العدوان الثلاثي يشاء ربك تكون المأوى منهم للمُهَجّرين

طول عمرها حمالة قسية لموقعها ع البحر يغيروا عليها الصليبين

لحد لما مسكوهم وضربوهم ف فارسكور وأسروا لويس المجنون منتصرين

ومن يومها عيدها ف مايو يسجله التاريخ شاهد عظمة وقدرة المصريين

في تل الدير وتل الدهب حكايات، تل البراشية كنوزك فيها مدفونين

قبة الأنصاري والدياسطي ومسجد بن العاص على غِرار الفسطاط مُشيدين

وكمان جامع المعيني تحفة من عهد قلاوون على متحف العلوم هنعدي زائرين

ف كل خطوة حكاية وحدوتة.. تفاصيلها ما يكفيها عشر داووين

لا يتوفر وصف للصورة.
قد تكون صورة لـ ‏‏نشاطات في أماكن مفتوحة‏ و‏نصب تذكاري‏‏
قد تكون صورة لـ ‏نشاطات في أماكن مفتوحة‏