أحتسيتُ كأساً .. كانَ ظني أنْ أنسى
فزادَ حُزني حزناً
وقساوتي قسوةً .. وأصبحتُ اقسى
فلا النسيـّـانَ أسعفني ولا كأساً
لــــــولا وسادةً
كانتْ لي هيَّ المَنفى وهيَّ المَرسى
* * *
صحيت من الصبح .. ولا چني صحيت
صحيت ومحد صبح عليّ
چن آنه عوسچ بلايه ميّ
لاغيمة مطر .. لانهر .. لابزل .. لاريّ
وبصحوتي حلمي تبده
نصه عله المخده
ونصه ضيعيت
بس الريحه ظلت بجفوف اديّ
مشتاگ اشم .. وادري حلــم
ريــــت الله يهدم حيلك هــدم
يلفززتني .. وكل جروحي هيجيت
فوگ الدنيا .. انوب انت عليّ
صرت اشتعل واطفه
بس بالمامش حضيت
رجعني اريد اغفه
وبجفن الحلم غطيني
ممنوع اللمس بس بالهمس حاچيني
وسولفلي
سولفلي وخليني .. بسالوفت عشگ ادفه
أوگفلي يلموگفت ولك .. هلبت الك وگفه
لولا الجذر ولك
لاجذع .. لاعثگ .. لاثمر .. لاسعفه
ولولا شوگي الك
لادلع .. لاضحكه .. لاترافة شفه
أوّفه
أوّفه من الوفه آنه واوّفه
يلمـــا وفيــت
أغمّض عيوني وامشي
اعمه ويگـــود ايدي رمشي
وجدمي على حس النَبض .. يمشي
* * *
أَضعتني مابيـّنَ المُفترض
والــــلامُفترض
لا عقلاً فيَّ ولا جسداً رَفضْ
رضختُ ونسيتُ كِبريائي
خَدعتني وأوهمتني
بأنكَ لاتنبضَ لحرفٍ إلا لرائي
خَذلتني .. كَسرتني
فيَّ شيئٌ إستفاقَ ونهضْ
* * *
تيهتني ومالك غرض
تيهتني .. وتيهت روحي يمك
رازونه ضوه .. كل ظني ظنك
رازونة كُحل .. ويمك دوريت
لا آنه الي لگيتك .. ولا روحي لگيت