انا والفسيخ بقلم احلام فؤاد

مراتي من يوم دخلتها ……….. والاكل أصبح غيتها

وكل ماتزيد سمنتها …….

قلبي تزيد فيه الأحزان

ياريتها ترجع زي زمان

نقعد سوا ع الطبلية ……

. أكل رغيف لكن هيه

تاكل تلاته بملوخية …..

. واتنين بكوسة وباذنجان

ياريتها ترجع زي زمان

طبق االفسيخ والطرشي ….. بتخلصه أما المحشي

بتنزل عليه ولا بتقمشي ..

. غير لما يخلص هو كمان

ياريتها ترجع زي زمان

وتاكل كمان بين الأكلات …… حمص ولب وحلويات

وتشرب قازوزة عشر مرات .. وتقولي صدري فيه حرقان

ياريتها ترجع زي زمان

اللقمة لو كانت زايدة ……..

. عن اللزوم ملهاش فايدة

في الجسم تنزل نار قايدة ……… واللي يكلها يبات تعبان

ياريتها ترجع زي زمان