حوار / شاميه كساب تحيا مصر چورى طفله مصريه تنافس لتكون الطفل النموذجى العالمى فى مسابقه عالميه لجميع اطفال العالم المسابقه برعايه وكاله( ليما كيد ) و هى اكبر و كاله لعروض الازياء للاطفال و الرضع فى العالم و يشارك فى المسابقه اطفال من كل أنحاء العالم ( شكرا چورى تلبيه دعوة الكنانه للانفراد بتلك الحوار ) و بعد التحيه و الترحيب تركنا الحوار لچورى لتتحدث عن نفسها ببرائه و تلقائيه و كان حديثها كالتالى المحاوره : چورى عرفينا بيكى و احنا كلنا فخورين بيكى چورى : هاى انا چورى عمرى ١١ سنه جريت فور ( رابعه ابتدائى ) فى ناس كتير طلبوا من مامي اكون موديل وانا كنت لسه صغيره و مامى مكنتش راضيه عشان خايفه عليا و قلقانه و لما كبرت شويه قولتلها بليز مامى و فضلت اتحايل عليها والحمدلله قدرت أقنعها المحاوره : مين اول حد اكتشف موهبتك چورى چورى : أول حد كانت مامى انا بحب أقلد الممثلين و الموديل و كنت شاطره فى تقليدهم بقلدهم فى مشيتهم طريقه لبسهم كلامهم و بقلد ريأكشن الوجه المحاوره : ازاى وصلتى للمسابقه ؟ انتى عارفه انك بتمثلى مصر كلها و مصر كلها بتتمنالك الفوز چورى : عارفه و ياريت الكل يصوت لى المرحله النهائيه و شكرا ليهم اوى و انا وصلت للمسابقه عن طريق مامى شافت الاعلان و قالتلى ايه رائيك نقدم و انا وافقت علطول و قولتلها اوكيه . انا دلوقتى عديت المرحله الأولى والتانيه و الثالثه و الرابعه و دلوقتى انا فى المرحله الدوليه النهائيه و إن شاء الله هفوز و احصل على لقب الطفل العالمى النموذجى و هكون اول طفله مصريه وصلت للقب ده بدعمكم و تصويتكم المحاوره: چورى لما تكبر نفسها تكون ايه چورى : نفسى ادخل كليه طب اسنان عشان بحبها و بحب اساعد الناس اكتر وبحب أمارس جنبها هوايتى المفضله المحاوره : مين اكتر شخص داعم ليكى چورى : مامى واخواتى المحاوره : يا ترى چورى هادئه فى البيت و لا بتحب تكتشف و تعمل شقاوه چورى : ههههه انا هادئه بس بحب اكتشف احب ادور عن الحاجه و اعرفها و اكتشفها و تكون مفيده ليا و اقدر اتعمق فيها فيما بعد المحاوره : چورى الف مبروك لصعودك للمرحله العالميه ، انت. دلوقتى بتنافسى انتى و عشره اطفال من دول مختلفه و ديه المرحله الاخيره مش كده چورى : فعلا ديه المرحله الاخيره و شكرا لكل إلى دعمنى بالتصويت و منتظره منهم تصويت فى المرحله الاخيره انا واثقه فى ربنا و فى ناس مصر انا لسه معرفش تفاصيل المرحله الاخيره لسه انهارده بس طلعت نتيجه التصويت للمرحله القبل الاخيره و أن شاء الله هفوز فى المرحله النهائيه واثقه فى ربنا و دعوات مامى و اخواتى و تصويت ناس مصر تحيا مصر المحاوره : چورى احنا استمتعنا جدا بالكلام معاكى انتى بنوته رقيقه و جميله و أن شاء الله توصلى للمرحله النهائيه و تفوزى بلقب الطفل النموذجى العالمى ، تحبى تقولى ايه لكل الناس إلى بتحبك و بتصوت ليكى چورى : انا چورى بمثل مصر و شكرا لدعمك و تصويتكم ليا و عاوزه منكم تصويت كتير عشان للمرحله العالميه و نرفع اسم مصر كلنا و اكون اول طفله مصريه تفوز باللقب الطفل العالمى النموذجى
