اهتم بأهلك اولا دكتورة فاطمة محمود

42

بستغرب جداً اما تكون واحده رايحه تعمل مفاجئة وحفلة لصحبتها عشان تفرحها وهي اختها نايمه مكتئبة في البيت ومش لاقية حد تخرج معاه

واحد مبيكلمش حد حلو الا صحبته انما في البيت التجعير بس لمامته واخته

بيعرف يسهر على القهوة او مع الناس بره للفجر انما مع خطيبته او مراته مش قادر وبينام العشاء

واحد قاعد يسمع لزميلته في الشغل ويقولك غلبانه عندها مشاكل ..وهو مراته عندها اكتئاب وبتتعالج في البيت ومش لاقيه حد تكلمه ولا حد يخرجها من اللي هي فيه

الشخصية الطيبة والروح الحلوة للاصحاب والناس بره والعقد والنكد والمشاكل جوه

الخروجة مع اصحابك كلها ضحك وهزار انما مع اهلك او مراتك زهقان وحاسس بملل وعينك في الموبايل

انت وحيد واختك وحيدة واخوك وحيد ومراتك وحيده ! وكل واحد بيدور على حد بره يسليه !!
لو كل واحد خد باله من أهله وأدى واجبه تجاه أسرته الاول محدش هيحس بالوحده
في جُملة بحبها جداً بتقول
“ليكن لأهل بيتك وقرابتك النصيب الأكبر من بشاشتك وسماحتك واهتمامك وحكمتك وعقلك وظرفك بل ودعائك
ثم وزع على العالمين ما يفيض من ذلك..
دكتوره فاطمه محمود