مستشارك القانونى
* بالعامية * الحظر وتعديلات قانون الطوارئ الجديد .
المحامى أحمد خميس غلوش
معذرة ..
سنبتعد قليلا عن أجواء الكتابة باللغة العربية ، بناء على رغبة البعض فى إيصال المعلومة القانونية بشكل عامى .
يعنى إيه حظر ؟
بص يا عم : الحظر فى اللغة العربية أصلا
معناه انك تمنع حاجة أو تحبس شئ
أو تشل حركته يعنى .. اللى هو بنسميه
حظر تجوال يعنى عدم المشى للعربيات مثلا فى وقت معين أو المواطنين كمان أو فتح وقفل المحلات بأوقات محددة وبشروط .
وبتكون فيه عقوبة لللى يخالف قانون الطوارئ ده اللى إحنا بنتكلم عليه .
وهى غرامة ماتزيدش عن ٤٠٠٠ جنيه أو حبس لكل اللى بيخالف أو أحد العقوبتين دول
وكمان القضية بتبقى جنح أمن دولة طوارئ .
والحظر برضه ده مش بيتطبق ألا فى *حالة الطوارئ * بس اللى بيقررها رئيس الجمهورية أو ينهيها .
وممكن يكون حظر كبير ( كلى ) أو حظر (جزئى) .
** وفيه تعديلات عملها مجلس النواب قريب على القانون ده من ضمنها :
١_ النيابة العسكرية بتكون هى المختصة فى التحقيق ف بعض الوقائع والجرائم اللى بيتم ضبطها بمعرفة القوات المسلحة ويكون التصرف النهائى فى التحقيق من اختصاص النيابة العامة .
٢_ واللى مسافرين خارج البلد يخضعوا لإجراء حجر صحى .
٣_ ومنع حاجات وسلع معينة من التصدير .
٤_ وكمان إن بعض المدارس وشركات ممكن تكون زى مستشفيات ميدانية مؤقتة عشان تكون جاهزة ف أى وقت للمصابين من فيروس كورونا ده ،وغيرها .
* وبكدة عرفنا إن فيه فرق واضح .. بين الحظر و قانون الطوارئ .
وفى النهاية : خلينا نحترم القانون ده وما نخرجش ألا فى الأوقات اللى هى متحددة لينا .
واللى حابب يشوف تعديل القانون ومواده ، اللى تم نشره فى الجريدة الرسمية يوم ٦ _ ٥ _ ٢٠٢٠ م .
** يحمله من خلال الرابط ده
تابعنا على
