باللهجة العامية قولي شو بكي

24

بقلم علي بدر سليمان

قولي شو حالك شو بكي
تمشي وكأنو ملبكة
عيونك يمكن عم تدمع
حزينة وبدها تشتكي
شو اللي عم يوجع هالقلب
هيدا الحب ولا التعب
حكيلي أنا عم أسمع
بلكي يهون عليك السبب
حبيبة قلبي وهالعمر
مابدي تعيشي بقهر
نورك خليه عم يسطع
يضوي الليل كأنو البدر
حبيبة قلبي وداري
شمعة ليلي ونهاري
شعلت بقلبي ناري
وإلها القلب زاد الطلب
يمكن هالعيشة صعبة
وبدنا نصبر ياقلبي
حتى الفرح يرجع
وترجع هالأرض خصبة