المحكي اللبناني بتحبني؟ ماتجاوب بكلمة أي لأن مابتكفيني،،، فكر كتير قبل ماتجاوب وتحكيني ،،،،لأن بدي أعرف شو خلاك تحبني وعن الكل تبديني،،،، شو الحب برأيك،،،شو بيعني لك ،،،،ياترى وجهة نظرك ،،،،معقول ترضيني،،،، أنا حتى بالحب نرجسيه ،،،،متكبرة وعنيده وقويه،،،،وعندي فيك حب الأنانيه،،،،غيورة وشريان النكد من غيرتي بيخرب بلد،،،،لبؤة بضهر أسد،،،، أنا بالحب مابعرف السياسي ،،،،بتكون ملكي والي ،،،،،وكل الدني ناسي،،،،، بصباحك كل يوم لازم يبدأ يومي،،،وبصوتك وهمساتك ضروري أختم ليلي،،،،، ممنوع تحكيني وتغيب،،،،،وتقول مشغول ومافضيت،،،، مافي بقاموسي كلمه اعذريني ،،،،ومعليه حبوبتي هالمرة سامحيني،،،،حتى بنص شغلك في إلي وقت ،،،،تحكيني وتخبرني إن إلي اشتقت،،،،، ضروري تحسسني إني ببالك ،،،،مافي قدرة بالكون بتشيلني من خيالك،،،،،ضروري تحسسني إني جوابك وسؤالك ،،،وأني كلامك وحروفك ،،،،وإني الحياة يلي نبضت بقلبك،،،،،وإني النور يلي ضوى عيونك،،،،وأني طفلتك الدلوعه ،،،،يلي بتكون بحضنك أول مابتوعى،،،،بنت قلبك يلي مرافقتك حتى بأحلامك،،، ممنوع حدا يشاركني فيك ،،،،،مابحب الشريك،،،،،انا بس انا يلي بروحها بتشتريك،،،،انا بس أنا يلي جوات قلبها بتخبيك،،،،،أنا بس انا يلي بعيونها من الحسد بتحميك،،،، هلاء صار فيني إسألك من أول وجديد بتحبني؟
