برئ من ذنبك

برئ من ذنبك

كلمات محمد سليمان

بالنسبالي المرادى

بقى كله عندى عادى

فراقك بقى زى قربك

وخلاص مابقتش احبك

وقلبى برئ من ذنبك

وعايش حياتى وراضى…….؟

 

المرادى غير كل مره

مشاعرى مابقتش حره

فى غيابك عنى وبعدك

شغلتنى عيون حلوه وسمره

ويوم ورا يوم لقيتنى

انا بنسى غصب عنى

وده بس عشان اكمنى

الحاضر نسانى الماضى

وفراقك بقى زى قربك

وخلاص مابقتش احبك

وقلبى برئ من ذنبك

وعايش حياتى وراضى……..؟

 

الذنب ذنبك مش ذنبى

لوم روحك قبل منى

كنت زمان عايش جمبى

ليل ونهار دايما محاوطنى

وانت اللى اخترت تبيعنى

مشيت من غير ماتودعنى

ولاهنش مره عليك تسمعنى

وشمت فى قلبى حسادى

وفراقك بقى زى قربك

وخلاص مابقتش احبك

وقلبي برئ من ذنبك

وعايش حياتى وراضى………؟