برجك اليوم بالكنانة ليوم الاثنين الموافق 2021/1/4

15

كتب .البراء مهدى

نجدد اللقاء ونجدد التذكرة كذب المنجمون ولو صدقوا

♈ ♉ ♊ ♋ ♌ ♍ ♎ ♏ ♐ ♑

برج الحمل ♈

 عم تكون اليوم اكتر دبلوماسية ومرونة بتعاملك مع المحيطين فيك وممكن تحل خلاف او نزاع ببن أطراف متخاصمين. أمورك المهنية بحاجة لإعادة تنظيم وترتيب لتقدر تشتغل بشكل سهل ومن دون عوائق خارجية . بيتحسن وضعك المالي وممكن تقوم بشراء أشياء ضرورية ومهمة لك

عاطفيــا”… تتحمل مزاجية الشريك اليوم وتحاول الابتعاد عن استفزازه وتدعمه بطريقة غير مباشرة

برج الثور ♉

 عم تحدد أهدافك اليوم وعم تكون واضح بكلامك مع من حولك من الزملاء وهالشي عم يخليك ترتاح بعملك وتشتغل ضمن الإختصاص الي أنت بتحبه وبتبدع فيه. تمد يد العون والمساعدة لأحد المقربين منك وترفع من معنوياته وتتعمق علاقتك مع أسرتك وأقربائك . مبلغ من المال يصلك بعد تعب وجهد وتقوم بشراء مايلزمك

عاطفيــا”… بتفتح قلبك للشريك وبتعبر عن محبتك له

برج الجوزاء ♊

 تبدو اليوم متقلب المزاج ومانك مرتاح وممكن تأجل بعض الواجبات والأعمال لوقت تاني . بنصحك اليوم تزور شخص بتحبه وتريح حالك شوي لتقدر تستعيد نشاطك وحيوتك وترجع لشغلك بحماس وحيوية . ماليا مانك مرتاح وعندك دفع لفواتير وشراء اشياء وحاجات ضرورية وممكن تستلف مبلغ من المال لتقدر تغطي جميع حاجاتك

عاطفيــا”… الشريك عم يحاول يساعدك حاول تفهمه وتخفف من عصبيتك ليقدر يوضحلك وجهة نظره

برج السرطان ♋

 بتمييز اليوم بحب العمل الي عم تقوم فيه وحتى لو كانت خطواتك بطيئة لكنك عم تشعر بالسعادة بشغلك وعم تشتغل برواء وهدوء لكن مطلوب منك تكون حركتك اوسع واسرع لتقدر تواكب التطور والتحديث وتثبت براعتك بمكان عملك . ماليا لاتعتمد على الحظ وابذل قصار جهدك لتحسن من وضعك المادي

عاطفيــا”… تشعر برغبة ليكون الشريك معك ويشاركك أفكارك وخطواتك لكنك عم تتفاجئ بإنشغاله لساعات طويلة عنك

برج الأسد ♌

 أحلامك كبيرة وواسعة وعم تخطط وترسم خطوات مهمة عم تغير خارطة عملك وتعمل شي مميز فيك. انت اليوم عم تستغل طاقتك وتكون مندفع وهالشي عم يخليك تحقق أهدافك وتوصل لغايتك بشكل سريع. اتصالات مع الزملاء وأشخاص بتوثق فيهم ومشاروات وقرارت حاسمة عم تكون خلال هاليوم

عاطفيــا”… لاتدقق على تصرفات الشريك وخفف من انتقادك له حتى مايزعل منك

برج العذراء ♍

 عم يكون عندك اندفاع كتير قوي لتباشر بعمل جديد وتغير روتين الحياة الي عم تعيشه وممكن تقدم مساعدة لناس بتحبهم وتعطيهم تشجيع واهتمام جيد . تحركات كتير مهمة عم تكون بفترة الظهيرة وعم تتحسن الأمور وكل شي عم يمشي متل مابدك. تحسن بالوضع المالي عم يرضيك وعم تشعر بالاستقرار

عاطفيــا”… ممكن توجد صعوبة في اقناع الشريك بوجهة نظرك لكن مع المحاولة والدبلوماسية رح توصل لغايتك

برج الميزان ♎

تتوق اليوم لفعل ماهو مميز وجديد وتتواصل مع فريق عمل وتكمل مابدأت به منذ فترة لتوصل لنتائج مميزة. لقاء بيجمعك مع أصدقاء وأحباب وعم تشعر بالسعادة والمحبة معهم. تحافظ على وضعك المالي وتؤجل بعض المشتريات

عاطفيــا”… علاقتك جيدة مع من تحب وتوافق وانسجام يجعلك تشعر بمحبته نحوك

برج العقرب ♏

 عم تعيش بحالة هدوء واستقرار وصار الوقت لتفكر بالأيام الجاي والمستقبل وتزيل عن نفسك طابع الكسل وتبدأ بشغلك من بكير وتثبت وجودك . بنصحك تهتم بجوهر الأمور وتبتعد عن التفاصيل السطحية لتقدر تكسب الوقت وتنال منزلة جيدة بمكان عملك . وضعك المالي مانو مستقر وممكن تحتاج لمبلغ إضافي يدعمك وتقدر تصلح او تشتري بعض الحاجات الضرورية

عاطفيــا”… لاتخلي الشريك يبعد عنك بسبب تصرفاتك الفعوية وخليك مرن بتعاملك معه

برج القوس ♐

بتواجه اليوم مشاكل وصعوبات بشغلك وعم تحاول إنك توجد الحلول البديلة وتتعامل مع الأمور بجدية أكبر بتحتاج لمزيد من الصبر والتروي وإعادة برمجة الأمور بعقلك . أحد الأصدقاء عم يمدك بالطاقة الإيجابية وعم تشعر بالاستقرار نوعا ما مع نهاية هاليوم. مبلغ من المال بيوصلك بعد تأخير قليل

عاطفيــا”… مطلوب من الشريك تكون أعصابه باردة ويتعامل معك بهدوء

برج الجدي ♑

 يوم كتير مهم إلك وفي عندك شغل وعم تجتهد وتضغط على نفسك لتوصل لهدفك وغايتك وتتأقلم مع الظروف الجديدة بالعمل حتى لوكانت مرهقة وكل هاد لتحسن من مدخولك المالي وتعيش بحالة استقرار . تصليحات كهربائية وإلكترونية ضرورية ممكن تعملها وتدفع مبالغ كبيرة عليها

عاطفيــا”… بترغب من الشريك انه يفهمك من النظرة حتى يتعاون معك ويكون جنبك بكل خطوة بتقوم فيها

برج الدلو ♒

 لاتهدر وتضيع وقتك اليوم لازم تكون سريع بخطواتك وتعمل كل واجباتك الي مطلوبة منك حتى مايتراكم عليك الشغل وتشعر بالتوتر ممكن تستعين بأحد الزملاء المقربين منك وتستشره ببعض الخطوات الي عم تقوم فيها لتتجنب الوقوع بالخطأ . تحسن بسيط بالوضع المالي بريحك شوي

عاطفيــا”… خلاف مع الشريك لاتخليه يكبر وحاول إنك تشرح وجهة نظرك له

برج الحوت ♓

 انت اليوم عم تفكر بمصلحتك الشخصية وعم تبتعد عمن حولك وهالشي عم يخلي أصابع الاتهام تتوجه إلك بالأنانية لاتخلي الناس تفهمك بشكل خاطئ وتجاوب مع المحيطين فيك . تغييرات مهمة بمجال العمل تفتح لك بابا لتحسن من مدخولك

عاطفيــا”… لاتسيء فهم الشريك وحاول إنك تراعي مشاعره وظروفه حتى تتجنب خلاف ممكن يحدث بينك وبينه.