أدب وثقافه

بصل للبيع بقلم / مصطفى المصري

..

والله وبقالك سعر وقيمة

وصيت وحظيت بمكانة عظيمة

بروباجاندا ولا نجوم السيما

وريحتك فاحت اوي يا بصل

وجودك بقى بشروط محطوطة
بقيت مجنون اكتر م القوطة
زمان كل التجار مبسوطة
عيشتها ارتاحت م اللي حصل
بصل للبيع هيصوا يا ولاد
هيكونلنا ويّا جنابه معاد
سجل يا تاريخ قول للأحفاد
لحظة تشريفه ويوم ما وصل

بدموعنا هنستقبله ونقول

أهلا بقدوم أجمل محصول

ياجمالك كدا مع طبق الفول

لو حتى مصنن برضه عسل .

اترك تعليقاً

زر الذهاب إلى الأعلى