بعشقك من سكات/ بقلم الشاعر محمد غبن

21
فضلت أعشقك بهدوء
خالص وبصمت السكات
خايف من ردك تصدمينى
وأحزن على عمر عدى وفات
إتسببت في وجع لقلبى
وإنت زينه الصبايا والبنات
مش عارف بقيت ليه كدا
إحساس بيقولي ليه ماصارحتها
مش جايز تكون خايفه
هى كمان تبوحلك بحبها
=====================
بصراحه إتخلقت حاله من
الخوف والفتور جوا قلوبكم
بدل ماكان هيبقى صاحب
عايش وواقف جنبكم Dark
بأمانه كإن صوابع
إيديكم حاطينها في عيونكم
هطولوا ع الموضوع دا كتير
العمر هيعدى ويتسرق منكم
خلي البدايه من عندك عمرها
ماهتيجي تبوح و تقولك بحبك
وإنك جوايا وبحلم باليوم دا
اللي هتضمني بحنانك ف قلبك
ياأخى عيش الواقع عن
نفسك مترضاهاش أبدا لأختك
فيه نوع من البنات خجوله
متقدرش تملك صناعة قرار
ونوع تانى عايزه تبقى أميره
تعترف قدامها وكأنك شهريار
بس مش شهريار بسيف الدم
شهريار حنين هتكونلك أميرة الدار
و دا حقها وإن كنت عشقتها
بجد إتحمل ياشاطر الشطار