بقلم كريمة ابو النجا
*****
بعون الله انا واقف
بعون الله انا حارس
عليكم بأمر الله
هدافع عنكم
بكيانى
عشان انا
فى ايدى سلاح
به هتصدا لكورونا
وحالف ما ارجع انا بيتى
غير لما الوباء ينزاح
ويطلع لليلنا صباح
دا عهد عليا وانا
محافظ على عهدى
لنعبر جسر الالم والصعب
وانا معاكم انا معدى
بعون الله انا واقف
بعون الله انا حارس
أنا لكورونا هتصدا عشان
أنا هنا الفارس
بعون الله
بس رجاء تسعدونى
وابعدوا كل البعد
عن الزحمة والهوجة
عشان نعبر سوا الموجة
ونوصل سوا لبر امان
بعون الله انا الحارس
أنا الفارس بأمر الله
