تخيل أن واحده من أكتر العلاقات المؤذيه نفسيا

76

بقلم الإعلامي/ يوحنا عزمي

ممكن حد يشاورلي على الإنجاز في علاقه فيها بنت بقالها تلات سنين بتحاول مع واحد عارف ومتأكد من حقيقة مشاعرها ؟

تلات سنين بيستنفذ في طاقتها وفي حبها وفي أعصابها وفي كل اللي ممكن تقدمه بدون أي مسمى أو وضوح ..

وأمتى بيقرر ياخد خطوه لما هي بتقرر أنه خلاص كفايه كدا كفايه مشاعر في سبيل أنا مش عارفه آخره فين!!

بيروح يعترفلها بحبه وهي طالعه تقعد مع العريس .

واو انت ازاي بتحبها كدا ؟

لا وبردوا فجأه بيقرر أنه أنا هبعد عنك عشان أنا شغلي صعب وفي احتماليه أن أموت وأقهر قلبك وانا بحبك ؟

على أساس أنه كان شغال مندوب مبيعات في إيتوال لما قرر يعترفلها ؟ وبعدين صحي لاقى نفسه فجأه ظابط!!

وعلى أساس بردوا أنه في حد هيخلد وضامن أنه يعيش للأبد ؟

أنت عبيط ؟ أنتوا عبط يا جماعه ..

كان في حد في مره قالي ” أوعي تدي عذر لراجل تحت مسمى أنه بيحبني بس خايف أو قلقان او مش عارف أو تايه أو أي سبب ، الراجل السوي اللي بيحب فعلا بيعض في الصخر عشان تبقى معاه الست اللي بيحبها ..

اللي بيحب حد يا علياء مبيسبوش تايه .. يمكن يكون بيحب بس مش الحب الكفايه اللي يبني علاقه سويه ومستقره مش الكفايه اصلا أنه نحاول سوا “

إحنا بنبي علاقات نُسكن إليها تهدينا لما العالم يوترنا

وتطمنا لما العالم يكون مخيف وسيء .

منستاهلش نضيع من عمرنا سنين عشان ناس مش عارفه تاخد قرار واضح وصريح تكون معانا أو حتى لا.

الناس البطيئه المتردده لازم تتسساب

أتمنى من كل قلبي لكل حد واضح وصريح وصاحب قرار ربنا يرزقه بحد شبهه يساعده على اللي باقي ليه في الدنيا .

إدفع عمرك للي واضح وشاريك ولا لحظه للي تايه ومتردد .