المقالات والسياسه والادب
توأم روحى
توأم روحى
كتبت / شمس فتحى
توأم روحى وحبى
ده اللى ليه جوا قلبى
مكان مش لاى حد تانى
كل يوم احبه اكتر
من اليوم الاولانى
هو روحى هو قلبى
هو الضى و نن عينى
هو بيتى هو وطنى
هو أمنى وآمانى
مش هقول هو كفة
والدنيا كفة تانية
هو الكفتين هو الدنيا بس ليا
جيه بفرحة دق بابى
صار ابويا صار اخويا
صارلى ابنى وحبيبي
بيه راضية ومكتفية
بس حبه بس قربه
مش محتاجة حاجة تانية
فى صباحى بس يضحك
تطلع شمسي فى ثانية
هو جنى حته منى
اكتر منى فهمنى
قبل ماانطق يرد عنى
توأم روحى حتى جروحى
فيها حسسنى ومقاسمنى
هو مخاوى و لا مداوى
جيه يدوينى ويطمنى
هو عوضى بعد وجعى
هو هدية بعد صبرى
