أدب وثقافه

جاي تلوم عليا

إيمان نجار

جاي تلوم عليا وتضحك

وبتسألني راجعه ليه

طب جربت تسأل نفسك

سبب بعدي عنك إيه

إنت أصلا ماصدقت

خدت نفسك ومشيت

وكأن لي بينا لعبه

لعبت بيها وبعدها مليت

خلتني أحلم حلم عمري

وحبيتك ووكلتك أمري 

وسلمتك بإيدي قلبي

عيشتني نجمه بسماك

وخليت القمر تاجي

وكنت فارد جناحك 

صدقت إنك ملاك

وخدت منك إيه قولي

كلام أه بس كلام

سرقت مني حتى حلمي

وماشفتش منك أفعال 

وعايزني أحبك وتلومني

وتسقيني من المر الآلام

ولالحظه قدرت تحسسني

بأمان .حتى وأنت حاضني

كان حضنك غش وأوهام

أنا مش ندمانه على ل ضاع

بس تفتكر مين ل باع

ومين فينا طلع خداع 

وبيلعب على المشاعر 

ولابس بالحب قناع

أنا راجعه عشان أقولك 

إن قلبي تعافي منك

ونسيت حبك وإسمك

وقبل ماتجي تلومني

ياريت تلوم نفسك 

وتقولي راجعه ليه……..

زر الذهاب إلى الأعلى