جدران فاصلة …بقلم/ هبه الببلاوي

51

الجدران تعبير بنقوله علي حجات كتير أوي في حياتنا ..وديما معروف عن الجدار إنه الحاجز الذي بيبني ليفصل بين شيئين ..
والجدران اللي هاتكلم عنها هي اللي بتتبني في المشاعر والعواطف وتقفل التعامل بيننا.

وتحس ديما إن المشاعر بتلعب دور مهم جداً في حياتنا حتي إن تجارب النجاح والفشل في حياتنا بيكون السبب الأول فيها المشاعر ..
ولو عرفنا نوظف المشاعر بطريقة ايجابيه هاتتغير حياتنا للأحسن ..

لكن كتير بنحس إن فيه جدار ظهر قدامنا عمل حاجز بينا وقفل علي كل المشاعر ..

ونبدأ نحس بالفشل في كل شئ ..وكل شخص فينا مر بفترة الفشل دي وبدأ يعتمد على الأحاسيس والمشاعر، لاننا بطبيعتنا بنملك مشاعر مستقاة من الفطرة ، والانسان الذي ليس لديه مشاعر ولا احاسيس يكون بالتأكيد فاقد لكل معاني الانسانية،
وممكن نقول أن اكثر الناس قدرة علي التعبير عن المشاعر بشكل راقي ومؤثر وحقيقي جداً هم الشعراء والكتاب وديما نلاحظ ان تعبيراتهم عن والحب بتحمل اجمل الكلمات، الناس دي ربنا إداهم موهبه وفن اختراق أي جدار والوصول بسهولة للقلوب بحسن كلامهم وحلاوة حديثهم ..
وده اللي عايزة أوصله ليكم ..
أنت ممكن تدوب أي جدار بينك وبينها بكلمة جميلة .. او بتقديرك ليها والتقدير ممكن يبقا كلمة .. نظرة .. فعل .. لمسة ..
ممكن يبقا حاجة لا تذكر فعلا .. لكنها بتوصل رسالة واضحة للي معاك بتقول ” انا مقدر اللي بتعمليه عشاني ”
صدقني ..
لو قدرت تعب اللي قدامك هاتدوب اي جدار بينكم ولو بيتعبلك مرة .. هايتعبلك ألف بعدها ..
لمجرد أنه ” عارف ” انك مقدر ..
الكلام مفتاح كل الأقفال المصنوعة من كتل حديد ..
إحسنو التعامل مع الناس أو أبعدوا دون أذى