جرا ايه يا غالي

كلماتي/أم هاشم العيسوي
متابعة / ممدوح السنبسى
جرا ايه يا غالي بسهوله كدا صدقت
وبيعت كل اللي بينا في ثواني
وهانت عليك ايامنا وانا عمري ما دققت
تعيش بعدي تندم ع بعدي وتعاني
وترجعلي
وأقولك دا بعدك خلاص جيت متأخر
اعمل عشانك كتير واضحي وغيرك ميهمنيش
وانتا في لحظه تهد كل حلو فيا
ولما اعاتبك تقول راعيني ومتسألنيش
كنت فين انا ..لما لطوب الأرض تشتكيني
دا انا كنت ازعل واقول معلش دا نن عيني
تزعل واشيل عنك وأشيل بدالك الف حمل
ولا اردك خايب أو زعلان في كل مره تجيني
معاك الحياه علمتني كتير دروس
بس انتا كنت في كوم والدنيا في كوم لوحدها
كنت عايش يومي وحياتي ليك مخصوص
ومهما تقول الدنيا عنك كنت بوقفها عند حدها
ازاي متفهمش ان الحب وقت الحلو تمام
ووقت الموقف والمر بيبان اكتر
ازاي تصدق عني أي كلام
وتشوفهم عندهم حق وسؤالي انا تستكتر
ايه يعني هعوزه منك غير انك حب وضل
ومن غير ما تحس انتا نضيع بسهوله
صدقت ناس استمتعت في روحي تذل
روح واحده كنا ودلوقتي اتقسمت نصين الفوله
ابويا دايما ينصحني.. حب براحه لبعدين قلبك ينكسر
بس انا واخد حبك ادام العالم تحدي
وطظ في أي حقد ولا يقدر عليا ينتصر
ما أصلي اتربيت علي الحب بإخلاص ومحدش أدي

ياما قولتلك حبي ليكي نقطه ضعفي وبكل صراحه

وعشانك أحارب مهما كان الظرف والتمن

خانو كلامي وحرفوه ووقعوني فيك بكل بجاحه

وأديني بدوق المر وأوحش مواقف الزمن