( حبيتك قد الدنيا ) بقلم الشاعر/ محمد غبن

29

 

حبيتك قد الدنيا وبقيت
عاشق وقلبي مليان حنيه
صبحت بيك مجنون ومتيم
من وقتها بقيت نور عينيا
رسمت صورتك بخيالي طلعت
أجمل حاجه ربنا بعتهالي
إوعديني نعيش الحب
بأجمل سنينه وأيامه
تعالي نخلي ليه وضع
يعليه ويحافظ علي مقامه
قلبي حبك بجد ونفسه
يعيش معاك باقى السنين
يكون نور حياتنا الحب
لجل نعيش أجمل حبيبين
وانا عن نفسي هحافظ
عليك وهخليك جوا العين
العشق موجود ومنه
كتير عايش معانا في الدنيا
بس مين مايضيعوش
من قدام عينيه لحظه أو ثانيه
العشق مخلوق وليه وجود
زيه زي وجود الوطن
وإلا يدبل ويوقف الدم فى
الوريد وتموت أحاسيس البدن
وبسرعه يتفنى من الحياه
وساعتها يروح يجهز الكفن
أما اللي عاشق وحبيبه
ضاع من قدام عينيه
يسأل نفسه بصدق هترد
تقوله أنت ماحفظتش عليه
سبته زي الورده
دبلانه بتدور علي ميه
مالقتشى قاعده تبكت حظها
ضاعت من قدام عينيها الحنيه