حتى يدوم الحب

78

بقلم د فاطمه محمود

 

كتير من الأزواج والزوجات بيفترضوا ان الطرف الاخر بيبقى فاهم وعارف لوحده ايه المطلوب منه وواجباته تجاه شريك حياته ، ودا في الواقع غير صحيح لان مش كل الناس بيتاح لها القدر الكافي من المعرفة او التأهيل الضروري قبل الزواج ومعرفة احتياجات وأولويات الطرف الآخر …

عشان كده ضروري تتعلَّم تطلب احتياجك من شريك حياتك بمنتهى الوضوح ، يعني مش كفاية تقوليله :

○انا مش حاسة انك بتحبني او انت مابقتش بتحبني زي زمان ، اديله أدوات يستخدمها عشان يعبر عن حبه ليك باللغة اللي بتحبيها وبتحقق لك الإشباع ، ذي مثلا
.
☆.انا بحب تسلم عليه وتحضني وانت خارج الصبح او وانت راجع البيت

.☆. انا بفرح لما بتخرجني او تجيبلي ورد وشيكولاتة زي الولاد ..

.☆.بحب تقعد معايا نتكلم سوا من غير موبايل وريموت التلفزيون …الخ

انك مثلاً تقولها :

☆انا ببقى في منتهى السعادة لما بتستقبلني على باب البيت بالغدا والعصير ..

☆ولما بتودعيني كل يوم بابتسامتك الحلوة ..
☆ولما بتساعديني في تجهيز حاجتي او ترتيب دولابي ، مكتبي … الخ

العلاقة بين الزوجين علاقة متبادلة بتقوم على الأخذ والعطاء، احتياج وإشباع، حاجة لاهتمام وحب، وحاجة الى تقدير وتقبُل ، واذا لم يتم إشباع احتياج الطرف الاخر بشكل كامل أظهرلك كل ما هو سيّء …

وعلى فكرة إحتياجك لشريك حياتك ليس عيباً او ضعف منك، ربنا خلقنا بشر لينا نقاط قوة ومواطن ضعف عشان نقدر نكمل بعضنا وندعم بعضنا ، وكمان نحتاج لبعض ..

وحتى يدوم الحب :

☆ أعلن عن احتياجاتك بوضوح..

☆حوّل الاحتياجات لأدوات خاصة بيك ويقدر يستخدمها الطرف الاخر بسهولة ..

☆ شجع أي محاولة منه وأشكره على اي مجهود بيعمله عشان يستمر في العطاء وتحققوا معاً الراحة والسعادة اللي بتتمنوها …